ബോളിവുഡ് താരം സണ്ണി ലിയോൺ വെറുമൊരു ഗ്ലാമർ താരം മാത്രമല്ല, സവിശേഷമായ വ്യക്തിത്വത്തിന് ഉടമ കൂടിയാണ് ഈ താര സുന്ദരി. സണ്ണിയുടെ ഏറ്റവും പുതിയ വാർത്തകളും വിശേഷങ്ങളും ഇരുകൈയ്യും നീട്ടിയാണ് പ്രേക്ഷകർ സ്വീകരിക്കാറുള്ളത്. അടുത്ത ദിവസം ഒരു അപൂർവ ചിത്രം പങ്കുവച്ചുകൊണ്ടാണ് സണ്ണി ആരാധകരെ അദ്‌ഭുതപ്പെടുത്തിയത്. ട്വിറ്ററിലൂടെ പങ്കുവച്ച ചിത്രത്തിൽ ആണിന്റെ ലുക്കിലാണ് സണ്ണി.
ഏറ്റവും പുതിയ സിനിമയിലാണ് സണ്ണി ലിയോൺ ആൺ വേഷത്തിൽ എത്തുന്നത്. മേക്കോവർ ചിത്രത്തിന് അടിക്കുറിപ്പ് നൽകിയിരിക്കുന്നത് ഇങ്ങനെയാണ്; "ആണിനെ പോലെ ആകാൻ വേഷമിട്ടിരിക്കുകയാണ് ഞാൻ, എന്നെ ഇങ്ങനെ മാറ്റിയെടുക്കാൻ ഏറെ കഷ്ടപ്പെട്ട ഒരു ടീമും എന്നോടൊപ്പമുണ്ട്. മറ്റൊരു കാര്യം ഈ രൂപം കാണുമ്പോൾ എന്റെ അച്ഛനെ പോലെയും, ചേട്ടനെ പോലെയും തോന്നുന്നു." സണ്ണി പറയുന്നു.
