റോഷന് ആന്ഡ്രൂസ് സംവിധാനം ചെയ്യുന്ന നിവിൻ പോളി ചിത്രം ’കായംകുളം കൊച്ചുണ്ണി’യില് ബാബു ആന്റണിയും ഒരു സുപ്രധാന കഥാപാത്രത്തെ അവതരിപ്പിക്കും. തന്റെ ഫെയ്സ്ബുക്ക് പേജ് വഴിയാണ് ഈ സന്തോഷ വാര്ത്ത അദ്ദേഹം ആരാധകരുമായി പങ്കുവച്ചത്. സിനിമയിൽ ’തങ്ങള്’ എന്ന കഥാപാത്രമായാണ് ബാബു ആന്റണി എത്തുക.
അയ്യങ്കാളിയായി വേഷമിട്ട ’യുഗപുരുഷ’നുശേഷം ബാബു ആന്റണി അവതരിപ്പിക്കുന്ന ചരിത്ര കഥാപാത്രം കൂടിയാണ് ഇത്. ബോബി, സഞ്ജയ് എന്നിവര് തിരക്കഥ തയാറാക്കിയിരിക്കുന്ന ചിത്രം നിര്മിക്കുന്നത് ഗോകുലം മൂവീസാണ്. മാസങ്ങൾക്ക് മുൻപ് നിവിന് പോളിയുടെയും, നായിക അമലാ പോളിന്റെയും കാരക്ടര് സ്കെച്ച് അണിയറപ്രവര്ത്തകര് പുറത്തുവിട്ടിരുന്നു.