സിനിമാതാരമാകാൻ ആഗ്രഹിക്കുന്നവര്‍ക്ക് ഒരു സുവര്‍ണാവസരം. നവാഗതനായ കെ ആര്‍ പ്രവീണ്‍ ഒരുക്കുന്ന തമി എന്ന ചിത്രത്തിലേക്ക് അഭിനേതാക്കളെ ക്ഷണിച്ചിരിക്കുകയാണ് അണിയറപ്രവര്‍ത്തകര്‍. പുതുമുഖങ്ങളെ കേന്ദ്രകഥാപാത്രമാക്കിയാണ് ചിത്രം ഒരുക്കുന്നത്. സംവിധായകൻ കെ ആര്‍ പ്രവീണും സതീഷ് കുമാര്‍ എസ്സും ചേര്‍ന്നാണ് ചിത്രത്തിന്‍റെ തിരക്കഥ ഒരുക്കിയിരിക്കുന്നത്. ഒട്ടേറെ പരസ്യ ചിത്രങ്ങളുടെ സംവിധായകനാണ് കെ ആർ പ്രവീൺ.
'ആര്‍ട്ട് ആന്‍റ് പിക്ചേഴ്സി'ന്‍റെ ബാനറിൽ ഒരുക്കുന്ന ചിത്രത്തിലേക്ക് 18 വയസിനും 28 വയസിനും ഇടയിൽ പ്രായമുള്ള സ്ത്രീകളെയും 20 വയസിനും 30 വയസിനും ഇടയിൽ പ്രായമുള്ള പുരുഷന്മാരെയുമാണ് മുഖ്യ കഥാപാത്രത്തിനായി അണിയറപ്രവര്‍ത്തകര്‍ തിരയുന്നത്. കൂടാതെ സപ്പോര്‍ട്ടിങ് താരങ്ങൾക്കായി 25നും 40നും ഇടയിൽ പ്രായമുള്ള സ്ത്രീകളെയും 25നും 50നും മധ്യേ പ്രായമുള്ള പുരുഷന്മാരെയുമാണ് തേടുന്നത്.
താത്പര്യമുള്ളവര്‍ ജനുവരി 31നു മുൻപ് ഇൻട്രൊഡക്ഷൻ വീഡിയോയും, ഫോട്ടോകളും casting.artandpictures@gmail.com എന്ന ഇമെയിൽ ഐഡിയിലേയ്ക്ക് അയക്കുക. ഇതിൽ നിന്ന് തെരഞ്ഞെടുക്കപ്പെടുന്നവര്‍ക്ക് 'തമി'യുടെ അവസാന ഘട്ട ഒഡിഷനുകളിൽ പങ്കെടുക്കാൻ അവസരം ലഭിക്കും. തെരഞ്ഞെടുക്കുന്നവരുടെ പേര് വിവരങ്ങൾ, ഒഡിഷൻ സെന്‍ററുകൾ, ഒഡിഷൻ തീയതി എന്നിവ ഫെബ്രുവരി ആദ്യ ആഴ്ചയിൽ തന്നെ തമിയുടെ ഫേസ്ബുക്ക് പേജിലൂടെ അറിയിക്കും.
