മോഹന്‍ലാലിനെ നായകനാക്കി ലാല്‍ജോസ് സംവിധാനം ചെയ്യുന്ന 'വെളിപാടിന്റെ പുസ്തക'ത്തിലെ മനോഹരമായ ഡ്യൂയറ്റ് സോങ് പുറത്തിറങ്ങി. "നീയും നിനക്കുള്ളൊരീ ഞാനും..." എന്ന ഗാനം ആലപിച്ചിരിക്കുന്നത് മധു ബാലകൃഷ്ണനും വൃന്ദ ഷമീഖും ചേർന്നാണ്. വയലാർ ശരത്ചന്ദ്ര വർമ്മയുടെ വരികൾക്ക് ഷാൻ റഹ്മാൻ ഈണം നൽകിയിരിക്കുന്നു.
ഈ മാസം അവസാനത്തോടെ ചിത്രം തിയ്യറ്ററുകളിലെത്തും. സിനിമയിൽ രണ്ടു ഗെറ്റപ്പുകളിലായാണ് മോഹന്‍ലാൽ എത്തുന്നത്. കുറ്റിത്തലമുടിയുമായി മോഹൻലാലിൻറെ ചെറുപ്പകാലത്തെ ഗെറ്റപ്പ് ഏറെ ആവേശത്തോടെയാണ് ആരാധകര്‍ സ്വീകരിച്ചത്. ബെന്നി പി നായരമ്പലത്തിന്റേതാണ് തിരക്കഥ. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മിക്കുന്നത്. ഗാനം കേൾക്കാം;
