പാചകക്കുറിപ്പ്: അമ്മു മാത്യു, ഫോട്ടോ: ശ്രീകാന്ത് കളരിക്കൽ
1. ചിക്കൻ വൃത്തിയാക്കിയത് – മുക്കാൽ കിലോ
2. ഉപ്പ്, കുരുമുളകുപൊടി – പാകത്തിന്
പാഴ്സ്‍‍ലി അരിഞ്ഞത് – ഒരു വലിയ സ്പൂൺ
3. മൈദ – രണ്ടു വലിയ സ്പൂൺ
4. വെണ്ണ – രണ്ടു വലിയ സ്പൂൺ
5. സവാള – ഒരു ഇടത്തരം, അരിഞ്ഞത്
6. മൈദ – രണ്ടു വലിയ സ്പൂൺ
ഉപ്പ്, കുരുമുളകപൊടി – പാകത്തിന്
7. നാരങ്ങാനീര് – ഒരു െചറിയ സ്പൂൺ
8. ടുമാറ്റോ പ്യൂരി – ഒരു കപ്പ്
പഞ്ചസാര – രണ്ടു ചെറിയ സ്പൂൺ
9. വെണ്ണ – ഒരു വലിയ സ്പൂൺ
10. ചുവന്നുള്ളി – നാല്, അരിഞ്ഞത്
11. ബസ്മതി അരി – ഒന്നേകാൽ കപ്പ്
വഴനയില – ഒന്ന്
ഉപ്പ് – പാകത്തിന്
12. കാരറ്റും ബീൻസും പൊടിയായി അരിഞ്ഞത് – അരക്കപ്പ് വീതം
13. കുങ്കുമപ്പൂവ് – ഒരു നുള്ള്, അൽപം പാലി‍ൽ കുതിർത്തത്
14. ക്രീം – അരക്കപ്പ്
15. കശ്മീരി മുളകുപൊടി – രണ്ടു െചറിയ സ്പൂൺ
പാകം െചയ്യുന്ന വിധം
∙ ചിക്കന്റെ തൊലി മാറ്റി വലിയ കഷണങ്ങളാക്കുക.
∙ എല്ലില്ലാത്ത ഭാഗങ്ങൾ വറുക്കാനായി മാറ്റി വയ്ക്കണം.
∙ എല്ലുള്ള കഷണങ്ങൾ പ്രഷർകുക്കറിൽ വേവിക്കുക.
∙ ചിക്കന്റെ തൊലി രണ്ടാമത്തെ േചരുവയും നാലു കപ്പ് വെള്ളവും േചർത്തു തിളപ്പിച്ചു സ്റ്റോക്ക് തയാറാക്കുക.
∙ വറുക്കാനുള്ള ചിക്കൻ പീസിൽ മൈദ വിതറി ചൂടായ വെണ്ണയിൽ ഗോൾഡൻബ്രൗൺ നിറത്തിൽ വറുത്തു കോരി വയ്ക്കണം.
∙ അതേ വെണ്ണയിൽ സവാള വഴറ്റിയ ശേഷം ഉപ്പും കുരുമുളകുപൊടിയും േചർത്ത മൈദയും തയാറാക്കിയ ഒരു കപ്പ് സ്റ്റോക്കും ചേർത്തു ചെറുതീയിൽ തിളപ്പിക്കുക.
∙ ഇതിൽ നാരങ്ങാനീരു േചർത്തിളക്കുക.
∙ ടുമാറ്റോ പ്യൂരിയും പഞ്ചസാരയും േയാജിപ്പിച്ചതും തിളയ്ക്കുന്ന സോസിൽ ചേർത്തിളക്കണം.
∙ ഇതിലേക്കു ചിക്കൻ കഷണങ്ങളും അരക്കപ്പ് സ്റ്റോക്കും ചേർത്തിളക്കി ചെറുതീയിൽ 20–30 മിനിറ്റ് വേവിക്കുക.
∙ വെണ്ണ ചൂടാക്കി ചുവന്നുള്ളി വഴറ്റിയ ശേഷം അരിയും വഴനയിലയും േചർത്തു നന്നായി വഴറ്റുക.
∙ ഇതിലേക്കു രണ്ടരക്കപ്പ് സ്റ്റോക്കും േചർത്തിളക്കി പച്ചക്കറികളും ചേർത്ത് അരി വേവിക്കുക.
∙ കുങ്കുമപ്പൂവു േചർത്തു വാങ്ങുക.
∙ ചിക്കൻ വിളമ്പാനുള്ള പാത്രത്തിന്റെ നടുവിൽ വച്ച് ചുറ്റിനുമായി ചോറു വേവിച്ചതു വയ്ക്കുക.
∙ ക്രീം അടിച്ചതു ചിക്കൻ കഷണങ്ങൾക്കു മുകളിൽ ഒഴിച്ച് മുകളിൽ കശ്മീരി മുളകുപൊടി വിതറി അലങ്കരിക്കാം.
