Thursday 18 January 2018 12:36 PM IST

വയ്ക്കാം മൂന്നു നാടന്‍ കറികള്‍; മാങ്ങാ കറി, നാരങ്ങാ കറി, പുളിയിഞ്ചി

Merly M. Eldho

Chief Sub Editor

curries_kerala ചിത്രം: സരുണ്‍ മാത്യു

പുളിയിഞ്ചി

1. വാളൻപുളി – ഒരു ചെറുനാരങ്ങ വലുപ്പത്തിൽ

2. മഞ്ഞൾപ്പൊടി – അര െചറിയ സ്പൂൺ

മുളകുപൊടി – ഒരു െചറിയ സ്പൂൺ

ഉപ്പ് – പാകത്തിന്

3. വെളിച്ചെണ്ണ – മൂന്നു െചറിയ സ്പൂൺ

4. പച്ചമുളക് – ആറ്, അരിഞ്ഞത്

ഇഞ്ചി – ഒരു കഷണം, അരിഞ്ഞത്

5. ശർക്കര – ഒരു െചറിയ കഷണം

6. കടുക് – അര െചറിയ സ്പൂൺ

വറ്റൽമുളക് – രണ്ട്, ഓരോന്നും രണ്ടാക്കിയത്

കറിവേപ്പില – ഒരു തണ്ട്

പാകം െചയ്യുന്ന വിധം

∙ വാളൻപുളി വെള്ളം േചർത്തു നന്നായി പിഴിഞ്ഞെടുത്തു തിളപ്പിക്കാൻ വയ്ക്കണം. ഇതിൽ രണ്ടാമത്തെ േചരുവ ചേ ർത്തിളക്കി വീണ്ടും നന്നായി തിളപ്പിക്കണം.

∙ രണ്ടു ചെറിയ സ്പൂൺ വെളിച്ചെണ്ണ ചൂടാക്കി പച്ചമുളകും ഇഞ്ചിയും േചർത്തു നന്നായി മൂപ്പിച്ചെടുത്ത്, അടുപ്പത്തിരിക്കുന്ന പുളി മിശ്രിതത്തിൽ ചേർത്തിളക്കണം. ഇതിലേക്കുശർക്കരയും േചർക്കുക.

∙ ബാക്കി വെളിച്ചെണ്ണയിൽ ആറാമത്തെ േചരുവ മൂപ്പിച്ചു ചേ ർത്തു വാങ്ങുക.

നാരങ്ങാക്കറി

1. വടുകപ്പുളി നാരങ്ങ – ഒന്ന്

2. പച്ചമുളക് – അഞ്ച്, വട്ടത്തിൽ അരിഞ്ഞത്

കറിവേപ്പില – രണ്ടു തണ്ട്

ഉപ്പ് – പാകത്തിന്

3. നല്ലെണ്ണ – മൂന്നു ചെറിയ സ്പൂൺ

4. കടുക് – അര ചെറിയ സ്പൂൺ

കറിവേപ്പില – ഒരു തണ്ട്

5. മഞ്ഞൾപ്പൊടി – കാൽ െചറിയ സ്പൂൺ

മുളകുപൊടി – മൂന്നു വലിയ സ്പൂൺ

ഉലുവാപ്പൊടി – അര െചറിയ സ്പൂൺ

പാകം െചയ്യുന്ന വിധം

∙ നാരങ്ങ വളരെ ചെറുതായി അരിഞ്ഞു രണ്ടാമത്തെ േചരുവ േചർത്തു വേവിക്കണം.

∙ നല്ലെണ്ണ ചൂടാക്കി കടുകും കറിവേപ്പിലയും മൂപ്പിക്കുക.

∙ അതിലേക്ക് അഞ്ചാമത്തെ േചരുവ ചേർത്തു ചൂടാക്കി പാ കത്തിനു വെള്ളം േചർത്തു നാരങ്ങയിൽ ചേർത്തിളക്കി അടുപ്പിൽ നിന്നു വാങ്ങുക.

മാങ്ങാക്കറി

1. പച്ചമാങ്ങ – മൂന്ന്

2. നല്ലെണ്ണ – രണ്ടു ചെറിയ സ്പൂൺ

3. മഞ്ഞൾപ്പൊടി – കാൽ െചറിയ സ്പൂൺ

മുളകുപൊടി – മൂന്നു ചെറിയ സ്പൂൺ

കായംപൊടി – പാകത്തിന്

ഉലുവാപ്പൊടി – പാകത്തിന്

ഉപ്പ് – പാകത്തിന്

പാകം െചയ്യുന്ന വിധം

∙ പച്ചമാങ്ങ ചെറിയ കഷണങ്ങളായി അരിഞ്ഞ് ഉപ്പു തിരുമ്മി വയ്ക്കണം.

∙ എണ്ണ ചൂടാക്കി മൂന്നാമത്തെ േചരുവ േചർത്തു ചൂടാക്കി അരിഞ്ഞു വച്ചിരിക്കുന്ന മാങ്ങയും പാകത്തിനു വെള്ളവും േചർത്തു തിളപ്പിച്ചു വാങ്ങുക.