ജിയോ ഫോണിനോട് മത്സരിക്കാന്‍ ഒരുങ്ങി ബി.എസ്.എൻ.എല്‍. 4ജിയോടൊപ്പം ബിഎസ്എന്‍എല്ലിന്റെ മൊബൈൽ ഫോൺ ഹാൻഡ്സെറ്റ് ‘ഭാരത്-1’ എന്ന പേരിൽ ഉടൻ പുറത്തിറങ്ങുകയാണ്. 2,200 രൂപക്ക് ഹാൻഡ്സെറ്റ് നൽകാനാണ് തീരുമാനം. അതോടൊപ്പം, ആകർഷകമായ നിരക്കിൽ കോൾ-ഡാറ്റ പാക്കേജും ഉപഭോക്താക്കൾക്ക് നൽകി ടെലികോം മോഖലയില്‍ വന്‍ കുതിച്ചു ചാട്ടമാണ് ബിഎസ്എന്‍എല്‍ നടത്തുന്നത്.
സ്വകാര്യ മൊബൈല്‍ കമ്പനിയായ മൈക്രോമാക്സുമായി ചേർന്നാവും ‘ഭാരത്-1’ പദ്ധതി അവതരിപ്പിക്കുക. ഇതോടൊപ്പം പ്രതിമാസം 97 രൂപക്ക് സമയ പരിധിയില്ലാതെ കോളും ഡാറ്റയും നൽകുന്ന പദ്ധതിയുമുണ്ട്. ജിയോ 150 രൂപക്കാണ് ഇൗ പാക്കേജ് നൽകുന്നത്.
ബി.എസ്.എൻ.എൽ ഫോർ-ജി ആദ്യമായി അവതരിപ്പിക്കുന്നത് കേരളത്തിലും ഒഡിഷയിലുമായിരിക്കും. രണ്ടു മാസത്തിനകം ഫോർ-ജി വരും. ബി.എസ്.എൻ.എല്ലിനോട് ഏറ്റവും അനുകൂലമായി പ്രതികരിക്കുന്ന സർക്കിൾ എന്ന നിലക്കാണ് കേരളത്തെ തിരഞ്ഞെടുത്തത്. ഫോർ-ജിക്ക് വേണ്ടി 2100 മെഗാ ഹെർട്സിെൻറ പുതിയ സ്പെക്ട്രം ഒരുക്കിയിരിക്കുകയാണ്.
