ഓർക്കുന്നുണ്ടോ? മാസങ്ങൾക്ക് ഒരു ഏഴു വയസ്സുകാരി ജോലി അന്വേഷിച്ച് ഗൂഗിൾ സിഇഒ സുന്ദർ പിച്ചെയ്ക്ക് കത്ത് എഴുതിയത്. അതെ ആ പെൺകുട്ടിക്ക് ഇപ്പോൾ ജോലി ലഭിച്ചിരിക്കുന്നു, അതും പേരുകേട്ട ടെക് കമ്പനിയിൽ തന്നെ. കുട്ടികൾക്ക് വേണ്ടിയുള്ള ഡിവൈസുകളും ടെക് പഠന സഹായികളും നിർമിക്കുന്ന കാനോ (Kano) എന്ന കമ്പനിയിലാണ് ബ്രിട്ടീഷ് സ്വദേശിയായ ക്ലോ ബ്രിഡ്ജ്‌വേയ്ക്കും സഹോദരി ഹോലിയ്ക്കും (അഞ്ചു വയസ്സ്) ജോലി ലഭിച്ചിരിക്കുന്നത്.
കാനോ പുറത്തിറക്കുന്ന ഓരോ ഉൽപന്നവും പരിശോധിച്ച് റിപ്പോർട്ട് നൽകുകയാണ് കുഞ്ഞു സഹോദരിമാർക്കുള്ള ജോലി. വിപണിയിൽ ഇറക്കുന്നതിനു മുൻപ് എല്ലാ പ്രോഡക്ടുകളും ക്ലോ ബ്രിഡ്ജ്‌വേയും സഹോദരിയും പരിശോധിച്ച് വിലയിരുത്തുമെന്ന് കാനോ വക്താവ് അറിയിച്ചു. എന്തായാലും കുഞ്ഞിലെ രസകരമായ ഒരു ജോലി കിട്ടിയ സന്തോഷത്തിലാണ് ക്ലോ ബ്രിഡ്ജ്‌വേയും സഹോദരിയും.
ലോകത്തെ ഓരോ ടെക്കിയുടെയും അല്ലെങ്കില്‍ യുവതി യുവാക്കളുടെയും സ്വപ്നമാണ് സെർച്ച് എന്‍ജിൻ ഭീമൻ ഗൂഗിളിൽ ഒരു ജോലി. ഇതേ ആഗ്രഹം പ്രകടിപ്പിച്ച്, ഗൂഗിളിൽ ജോലി വേണമെന്ന് ആവശ്യപ്പെട്ട് ഏഴു വയസ്സുകാരി ക്ലോ ബ്രിഡ്ജ്‌വേയും ഗൂഗിൾ സിഇഒ സുന്ദർ പിച്ചൈക്ക് കത്തയക്കുകയായിരുന്നു.
പൂർണ്ണമായും വായിക്കാൻ
Wednesday 07 February 2018 02:49 PM IST
: By സ്വന്തം ലേഖകൻ
സുന്ദർ പിച്ചെയോട് ഗൂഗിളിൽ ജോലി ചോദിച്ച ആ ഏഴു വയസ്സുകാരിക്ക് ജോലി കിട്ടി!
