ഇവരാണ് വീട് സ്വന്തമാക്കാനും പണി തുടങ്ങാനും നല്ല നേരമെത്തിയ നക്ഷത്രക്കാർ

2026 ജനുവരി 03– 16 വരെ (1201 ധനു 20 മുതൽ മകരം 02 വരെ)

അശ്വതി, ഭരണി, കാർത്തിക 15 നാഴിക (മേടക്കൂറ്)
ആരോഗ്യസംരക്ഷണത്തിന്‍റെ ഭാഗമായി പ്രാണായാമവും ഭക്ഷണക്രമീകരണവും ശീലിക്കും.  സഹോദരങ്ങളുമായി പുനഃസമാഗമത്തിന് അവസരം വന്നുചേരും. സുതാര്യതക്കുറവിനാല്‍ കൂട്ടുകച്ചവടത്തില്‍ നിന്നു പിന്മാറും. അനാവശ്യ സംശയം അബദ്ധങ്ങള്‍ക്കു വഴിയൊരുക്കും. പൂർവികസ്വത്തു ഭാഗം വയ്ക്കാൻ തയാറാകും.

വിശാഖം 15 നാഴിക, അനിഴം, തൃക്കേട്ട (ഇടവക്കൂറ്)
ഗൃഹനിർമാണപ്രവര്‍ത്തനങ്ങള്‍ തുടങ്ങിവയ്ക്കും.  വാങ്ങാനുദ്ദേശിക്കുന്ന ഭൂമിയുടെ രേഖകള്‍ തൃപ്തിയല്ലാത്തതിനാല്‍ ഉപേക്ഷിക്കും. അപകീര്‍ത്തി ഒഴിവാക്കാന്‍ പൊതുപ്രവര്‍ത്തനങ്ങളില്‍ നിന്നും പിന്മാറും.  സാമ്പത്തികവരുമാനമുണ്ടാകുമെങ്കിലും ചെലവിനങ്ങള്‍ വർധിക്കുന്നതിനാല്‍ നീക്കിയിരിപ്പു കുറയും.

മകയിരം 30 നാഴിക, തിരുവാതിര, പുണർതം 45 നാഴിക (മിഥുനക്കൂറ്)
പൂര്‍വികസ്വത്തില്‍ ഗൃഹനിർമാണപ്രവര്‍ത്തനങ്ങള്‍ തുടങ്ങിവയ്ക്കും. പരിസരവാസികളുടെ ഉപദ്രവത്താല്‍ മാറിതാമസിക്കാനിടവരും. ഏറ്റെടുത്ത ദൗത്യം പൂര്‍ത്തീകരിക്കാൻ കൂടുതല്‍ സമയം പ്രവര്‍ത്തിക്കേണ്ടി വരും. വ്യവസ്ഥകള്‍ പാലിക്കുന്ന മേലധികാരിയോട് ആദരവു തോന്നും.  പുതിയ കരാർ ജോലികള്‍ ഏറ്റെടുക്കും. മത്സരരംഗങ്ങളില്‍ വിജയിക്കും. സംഘടനാപ്രവര്‍ത്തനങ്ങള്‍ക്കു സാരഥ്യം വഹിക്കാനിടവരും.

പുണർതം 15 നാഴിക, പൂയം, ആയില്യം (കർക്കടകക്കൂറ്)
വിദേശത്തു താമസിക്കുന്ന സഹപാഠി കുടുംബസമേതം വിരുന്നുവരും. മുടങ്ങികിടപ്പുളള കർമപദ്ധതികള്‍ പുനരാരംഭിക്കാനുളള സാഹചര്യം വന്നുചേരും. ആത്മവിശ്വാസം വർധിച്ചതിനാല്‍ പുനഃപരീക്ഷയ്ക്കു തയാറാകും. അപര്യാപ്തതകള്‍ മനസ്സിലാക്കി ജീവിക്കാൻ തയാറായ ജീവിതപങ്കാളിയോട് ആദരവു തോന്നും. വീഴ്ചകളുണ്ടാകാതെ സൂക്ഷിക്കണം. കുടുംബത്തില്‍ സ്വസ്ഥതയും സമാധാനവും ദാമ്പത്യസൗഖ്യവും ഉണ്ടാകും. 

മകം, പൂരം, ഉത്രം 15 നാഴിക (ചിങ്ങക്കൂറ്)
ദീര്‍ഘകാലനിക്ഷേപമെന്ന നിലയില്‍ ഭൂമി വാങ്ങും. അശുഭചിന്തകള്‍ ഉപേക്ഷിക്കണം. ആത്മവിശ്വാസക്കുറവിനാല്‍ പരീക്ഷയില്‍ വിജയശതമാനം കുറയും. ചെയ്യാത്ത കുറ്റത്തിന് അപരാധം കേൾക്കാനിടവരും. വിതരണരംഗങ്ങളില്‍ പുരോഗതിയുണ്ടാകും. ആത്മാര്‍ഥസുഹൃത്തിനെ അബദ്ധങ്ങളില്‍ നിന്നു രക്ഷിക്കാന്‍ സാധിക്കും. ഗൃഹനിർമാണപ്രവര്‍ത്തനങ്ങള്‍ ഏറെക്കുറെ പൂര്‍ത്തീകരിക്കും. 

ഉത്രം 45 നാഴിക, അത്തം, ചിത്തിര 30 നാഴിക (കന്നിക്കൂറ്)                 
ഗുരുനാഥന്‍റെ ഉപദേശപ്രകാരം ഉപരിപഠനത്തിനു ചേ രും. ധർമപ്രവൃത്തികള്‍ക്കും പുണ്യപ്രവൃത്തികള്‍ക്കും പണം ചെലവാക്കും. പ്രാധാന്യമില്ലാത്ത കാര്യങ്ങളില്‍ ഇടപെടുന്നതുമൂലം അപകീര്‍ത്തി ഉണ്ടാകും. സഹപാഠികളോടൊപ്പം വിദേശയത്ര പുറപെടും.  പല വിധത്തിലും ഉള്‍വലിയുന്ന സ്വഭാവം വേണ്ടപ്പെട്ടവര്‍ക്ക് അ രോചകമായി തോന്നും.

ചിത്തിര 30 നാഴിക, ചോതി, വിശാഖം 45 നാഴിക (തുലാക്കൂറ്)
കാലഹരണപ്പെട്ട ഗൃഹോപകരണങ്ങള്‍ മാറ്റിവാങ്ങും. ഉപകാരം ചെയ്തുകൊടുത്തവരില്‍ നിന്നു വിപരീത പ്രതികരണം വന്നുചേരും. ഉദ്യോഗമാറ്റം തൃപ്തിയല്ലാത്തതിനാല്‍ ഉപേക്ഷിച്ച് ഉപരിപഠനത്തിനു ചേരും. സമയബന്ധിതമായി ചെയ്തു തീര്‍ക്കേണ്ടതായ കാര്യങ്ങള്‍ക്കു കാലതാമസം നേരിടും. തൊഴില്‍മേഖലകളോടു ബന്ധപ്പെട്ടു ദൂരയാത്രകള്‍ വേണ്ടിവരും. 

വിശാഖം 15 നാഴിക, അനിഴം, തൃക്കേട്ട
(വൃശ്ചികക്കൂറ്)                
ഉത്തരവാദിത്തം വർധിക്കുന്ന വിഭാഗത്തിലേക്ക് ഉദ്യോഗമാറ്റമുണ്ടാകും. സഹപ്രവര്‍ത്തകരില്‍ നിന്നു നിസ്സഹകരണമനോഭാവം ഉണ്ടാകും. മുടങ്ങികിടപ്പുളള വഴിപാടുകള്‍ ചെയ്തുതീർക്കാൻ  അവസരമുണ്ടാകും.  ബന്ധുവിന്‍റെ സംരക്ഷണം ഏറ്റെടുക്കാൻ നിര്‍ബന്ധിതനാകും. സഹായമനഃസ്ഥിതി നല്ലതാണെങ്കിലും വഞ്ചനയിലകപ്പെടാതെ സൂക്ഷിക്കണം. വാഹന ഉപയോഗത്തിൽ കൂടുതൽ ജാഗ്രത പുലർത്തണം.

മൂലം, പൂരാടം, ഉത്രാടം 15 നാഴിക (ധനുക്കൂറ്)
പണി ചെയ്തുവരുന്ന ഗൃഹംവാങ്ങാന്‍ പ്രാഥമിക സംഖ്യകൊടുത്തു കരാറെഴുതും. വിദേശയാത്ര സഫലമാകും.  അര്‍ഹമായ പൂർവികസ്വത്തു ലഭിക്കാന്‍ സഹോദരങ്ങളുമായി സുദീര്‍ഘമായ ചര്‍ച്ച വേണ്ടിവരും. ദാമ്പത്യബന്ധത്തില്‍ വിട്ടുവീഴ്ചയ്ക്കു തയാറാകും.   കഫ-നീര്‍ദോഷരോഗപീഡകളാല്‍ അസ്വാസ്ഥ്യമനുഭവപ്പെടും. 

ഉത്രാടം 45 നാഴിക, തിരുവോണം, അവിട്ടം 30 നാഴിക (മകരക്കൂറ് )   
ദാമ്പത്യഐക്യവും ബന്ധുസഹായവും ഉണ്ടാകും. ദേഹാസ്വാസ്ഥ്യങ്ങള്‍ക്കു കുറവു തോന്നും. മംഗ ളകർമങ്ങളില്‍ പങ്കെടുക്കും. മുടങ്ങികിടപ്പുളള സ്ഥാനമാനങ്ങള്‍ ലഭിക്കും. പ്രവര്‍ത്തനമേഖലകളില്‍ നിന്നു സാമ്പത്തികപുരോഗതിയുണ്ടാകും. ഊ ഹക്കച്ചവടത്തില്‍ നഷ്ടം സംഭവിക്കും. ആധിയും ദുഷ്ചിന്തകളും ഉപേക്ഷിക്കണം. സന്താനങ്ങള്‍ക്കു സാമ്പത്തികകാര്യങ്ങളില്‍ നിയന്ത്രണം ഏര്‍പ്പെടുത്തും.

അവിട്ടം 30 നാഴിക, ചതയം, പൂരൂരുട്ടാതി 45  നാഴിക  (കുംഭക്കൂറ്)      
പുത്രന്‍റെ നിര്‍ബന്ധത്താല്‍ പൂർവി കസ്വത്തു ഭാഗംവയ്ക്കാന്‍ തീരുമാനിക്കും. വാഹനാപകടത്തില്‍ നിന്ന് അദ്ഭുതകരമായി രക്ഷപ്പെടും. വ്യവസ്ഥകള്‍ പാലിക്കാൻ അശ്രാന്തപരിശ്രമം വേണ്ടിവരും. ആശയവിനിമയങ്ങളില്‍ അപാകതകള്‍ ഉണ്ടാകാതെ സൂക്ഷിക്കണം. ജാമ്യം നിൽക്കാനുളള സാഹചര്യത്തില്‍ നിന്നു യുക്തിപൂർവം പിന്മാറും.  ഉദരരോഗപീഡകളാല്‍ അസ്വാസ്ഥ്യമനുഭവപ്പെടും. വിദേശയാത്രയ്ക്കുളള അനുമതി ലഭിക്കും.

പൂരൂരുട്ടാതി 15 നാഴിക, ഉത്രട്ടാതി, രേവതി (മീനക്കൂറ്)
സഹൃദയസദസ്സില്‍ പങ്കെടുക്കാനിടവരും. പുത്രപൗത്രാദികളോടൊപ്പം താമസിക്കാൻ അന്യദേശയാത്ര പുറപ്പെടും. ഏറ്റെടുത്ത ദൗത്യം മനഃസംതൃപ്തിയോടൂകൂടി പൂര്‍ത്തീകരിക്കും. സാമ്പത്തികപ്രതിസന്ധി തരണം ചെയ്യും. വര്‍ഷങ്ങള്‍ക്കു മുന്‍പു വാങ്ങിയ ഭൂമിക്ക് ഏറെക്കുറെ തൃപ്തിയായ വില ലഭിച്ചതിനാല്‍ വിൽപനയ്ക്കു തയാറാകും.