വൻ താരങ്ങളെ ഒന്നിപ്പിച്ച്, മണിരത്നം സംവിധാനം ചെയ്യുന്ന ബിഗ് ബജറ്റ് ചിത്രമാണ് ‘പൊന്നിയിന് സെല്വന്’. ചിത്രത്തില് മലയാളത്തിന്റെ പ്രിയതാരം ബാബു ആന്റണിയും. ബാബു ആന്റണി ഇക്കാര്യം സമൂഹ മാധ്യമങ്ങളിലൂടെ അറിയിച്ചു. ചിത്രത്തില് വളരെ പ്രധാനപ്പെട്ട ഒരു കഥാപാത്രത്തെയാകും താരം അവതരിപ്പിക്കുക.
കല്ക്കി കൃഷ്ണമൂര്ത്തിയുടെ ‘പൊന്നിയിന് സെല്വന്’ എന്ന തമിഴ് നോവലിനെ ആധാരമാക്കിയാണ് സിനിമ ഒരുങ്ങുന്നത്. ചിത്രത്തിന്റെ രണ്ടാം ഘട്ട ചിത്രീകരണം പുതുച്ചേരിയില് പുനരാരംഭിച്ചു.
ഐശ്വര്യ റായി, വിക്രം, ജയം രവി, കാര്ത്തി, തൃഷ, ഐശ്വര്യ ലക്ഷ്മി, അമല പോള്, കീര്ത്തി സുരേഷ്, റാഷി ഖന്ന, സത്യരാജ്, പാര്ഥിപന്, ശരത്കുമാര്, ലാല്, ജയറാം, റഹ്മാന്, റിയാസ് ഖാന്, കിഷോര്, പ്രകാശ് രാജ്, പ്രഭു, എന്നിവരാണ് ചിത്രത്തില് പ്രധാന വേഷങ്ങളിലെത്തുക.
സംഗീതം എ.ആര്. റഹ്മാനും ഛായാഗ്രഹണം രവി വര്മനുമാണ്. ഇളങ്കോ കുമാരവേലാണ് തിരക്കഥ. മണിരത്നവും ലൈക പ്രൊഡക്ഷന്സും ചേര്ന്നാണ് നിര്മാണം.