ആര്ഡിഎക്സ് ലൗ, ആര്എക്സ് 100 എന്നീ സിനിമകളിലൂടെ തെന്നിന്ത്യന് സിനിമോ ലോകത്തിന് സുപരിചിതയാണ് നടി പായല് രാജ്പുത്. കോവിഡ് പരിശോധനയ്ക്കിടെ നടത്തിയ സ്വാബ് ടെസ്റ്റിനിടെ വാവിട്ട് കരഞ്ഞ താരത്തിന്റെ വിഡിയോ ആണ് ഇപ്പോള് സോഷ്യല് മീഡിയയില് വൈറലാകുന്നത്. സിനിമാ ലൊക്കേഷനിലെത്തി ആരോഗ്യപ്രവര്ത്തകര് നടിയുടെ സ്വാബ് ടെസ്റ്റ് നടത്തുകയായിരുന്നു. നടി തന്നെയാണ് ഈ വിഡിയോ തന്റെ ഇന്സ്റ്റഗ്രാമിലൂടെ പങ്കുവച്ചത്. ചുരുങ്ങിയ സമയം കൊണ്ട് തന്നെ ദൃശ്യങ്ങള് സോഷ്യല് മീഡിയയില് വൈറലാകുകയായിരുന്നു.
സിനിമാ ഷൂട്ടിങ് തുടങ്ങിയ സാഹചര്യത്തില് താരങ്ങള് ഉള്പ്പടെയുള്ളവര്ക്ക് കോവിഡ് ടെസ്റ്റ് നിര്ബന്ധമാക്കിയിട്ടുണ്ട്. അതിന്റെ ഭാഗമായാണ് പായല് കോവിഡ് ടെസ്റ്റ് നടത്തിയത്.പേടിച്ചാണ് താന് സ്വാബ് ടെസ്റ്റിന് ഇരുന്നു കൊടുത്തതെന്ന് നടി പറയുന്നു. 'അഞ്ച് സെക്കന്ഡ് നേരം മൂക്കിലൂടെയുള്ള ഈ പരിശോധന ഭീകരമായ അനുഭവം തന്നെയാണ്. എന്തായാലും കോവിഡ് നെഗറ്റീവായതിന്റെ സന്തോഷം വേറെയുണ്ട്.'- പായല് കുറിക്കുന്നു.