അമ്മയായ ശേഷം, ടെന്നീസ് താരം സാനിയ മിർസയുടെ ആദ്യ പിറന്നാൾ ആയിരുന്നു കഴിഞ്ഞ ദിവസം. മകനൊപ്പമുള്ള താരത്തിന്റെ 32ാം പിറന്നാൾ കെങ്കേമമായി ആഘോഷിച്ച് ഭർത്താവ് ശുഹൈബ് മാലിക്. മനോഹരമായ ചിത്രങ്ങൾക്കൊപ്പം രസകരമായ കുറിപ്പും ശുഹൈബ് ട്വിറ്ററിലൂടെ ആരാധകർക്കായി പങ്കുവച്ചു.
"എന്റെ മകൻ പിറന്നിട്ട് 16 ദിവസം തികയുന്ന ഇന്ന് എന്റെ ഭാര്യയ്ക്ക് 16 വയസ്സ് ചെറുപ്പമായിരിക്കുന്നു. ഒപ്പം എന്റെ അമ്മായിയമ്മയും. ദൈവത്തിന് നന്ദി!"- ഇതായിരുന്നു ശുഹൈബിന്റെ രസകരമായ ട്വീറ്റ്. പിറന്നാൾ ദിനത്തിൽ ആശംസ നേർന്ന എല്ലാവർക്കും നന്ദി അറിയിച്ച് സാനിയയും ട്വീറ്റ് ചെയ്തിട്ടുണ്ട്.
മുൻപ് കുഞ്ഞു ഇസാൻ പിറന്നുവീണ റെയിന്ബോ ചില്ഡ്രണ്സ് ആശുപത്രിയില് നിന്നുമുള്ള ചിത്രങ്ങൾ സോഷ്യൽ മീഡിയയിൽ തരംഗമായിരുന്നു. ഏഴ് വര്ഷം മുൻപാണ് സാനിയ മിര്സ പാക്കിസ്ഥാന് ക്രിക്കറ്റ് ടീമിന്റെ മുന് നായകന് ഷുഹൈബ് മാലിക്കിനെ വിവാഹം കഴിച്ചത്.