സീരിയലുകൾക്ക് സെൻസറിങ് ആവശ്യമാണെന്നും ചില മലയാളം സീരിയലുകൾ എൻഡോസൾഫാൻ പോലെ മാരകമാണെന്നുമുള്ള നടനും ചലച്ചിത്ര അക്കാദമി ചെയർമാനുമായ പ്രേംകുമാറിന്റെ പരാമർശം വലിയ ചർച്ചകൾക്ക് വഴിവയ്ക്കുകയാണ്. നടൻ ധർമജൻ ബോൾഗാട്ടിയും പ്രേംകുമാറിന്റെ നിലപാടിനെതിരെ രംഗത്തെത്തിയിരിക്കുന്നു.
‘സീരിയലിനെ എൻഡോസൾഫാൻ എന്ന് പറഞ്ഞ പ്രേംകുമാർ സീരിയലിലൂടെ തന്നെ വന്ന ആളാണ്. ഒരു സ്ഥാനം കിട്ടി എന്നുവെച്ചു തലയിൽ കൊമ്പൊന്നും ഇല്ലല്ലോ പാവപെട്ടവർ ജീവിച്ചു പൊക്കോട്ടെ ചേട്ടാ...’ എന്നായിരുന്നു ധർമജന്റെ മറുപടി. ഇപ്പോഴിതാ വിഷയത്തിൽ സിനിമ–സീരിയൽ താരം സീമ. ജി നായരും കുറിപ്പിലൂടെ പ്രതികരണമറിയിക്കുകയാണ്.
കുടുംബമായിരുന്നു സീരിയൽ കാണാൻ കൊള്ളില്ലെന്ന് പറയുന്നവരോടാണ് സീമയുടെ മറുപടി. അശ്ലീലം കലർന്ന ഭാഷയോ ,ചേഷ്ടകളോ സീരിയലിൽ വരാറില്ലെന്ന് സീമ പറയുന്നു. ‘ചിലർ ആക്ഷേപിക്കുന്ന ‘അവിഹിതം ,നാത്തൂൻ പോര് ,അമ്മായിയമ്മപ്പോര്’ തുടങ്ങിയ കാര്യങ്ങളെല്ലാം ഈ ലോകം ഉണ്ടായപ്പോൾ മുതൽ തുടങ്ങിയതാണ്. ഇതെല്ലാം ..സീരിയലിൽ കാണിച്ചിട്ട് കണ്ടു പഠിക്കും ,പടിച്ചേനെ ,പഠിക്കാൻ പോയതാണ് ,പധിച്ചുകൊണ്ടിരിക്കുവാണ് എന്ന് പറയുന്നവരോട് ഒന്നും പറയാനില്ല.’– സീമ ജി നായർ പറയുന്നു.
ഫെയ്സ്ബുക്ക് കുറിപ്പ് വായിക്കാം:
പുലർകാല വന്ദനം ..ചെന്നൈ എയർപോർട്ട് ..രാവിലെ ഒരു പോസ്റ്റ് ഇടാമെന്നു കരുതി ...ഇന്നലെ ഒരു പോസ്റ്റിട്ടു ..എപ്പോളും അവനവനു ശരി എന്ന് തോന്നുന്നതുചെയ്യുന്നവർ ആണല്ലോ നമ്മൾ ..ഇന്നലത്തെ പോസ്റ്റിൽ എന്റെ ഭാഗത്തു ഞാൻ കണ്ടത് ശരി തന്നെ ആയിരുന്നു ..ഇപ്പോളും അതിൽ മാറ്റമില്ല ..കാരണം ഇത് ജീവിതോപാതി എന്നത് തന്നെ ..കല മൂല്യം ഉള്ളതാണെന്ന് പറയുന്നതുപോലെ തന്നെ അത് വിനോദം കൂടിയാണ് ..കലാമൂല്യം നിറഞ്ഞ അതി പ്രസ്തരുടെ വർക്കുകൾ വരുമ്പോൾ അത് തീയറ്റർ പോലും കാണാതെ പോയിട്ടുണ്ട് ..അങ്ങനെ മൂല്യം ഉള്ളതിനെ മാർക്കറ്റ് ചെയ്യാൻ ഇവിടെ ആർക്കും എന്തെ സാധിക്കുന്നില്ല ..
നല്ല സൃഷ്ടികൾ കൊണ്ട് വന്നു കുത്തുപാള എടുത്ത ചരിത്രങ്ങളും വിരളം അല്ല ..കുടുംബമായിരുന്നു കാണാൻ കൊള്ളില്ല സീരിയൽ എന്ന് പറയുന്നവരോട് ഒരു വാക്ക് ..അശ്ലീലം കലർന്ന ഭാഷയോ ,ചേഷ്ടകളോ സീരിയലിൽ വരാറില്ല .പിന്നെ ചിലർ പറയുന്നു ..അവിഹിതം ,നാത്തൂൻ പോര് ,അമ്മായിയമ്മപ്പോര് ..ഇതെല്ലാം ഇവിടെ ഉണ്ടെന്ന് ..ഈ ലോകം ഉണ്ടായപ്പോൾ മുതൽ തുടങ്ങിയതാണ് ഇതെല്ലാം ..സീരിയലിൽ കാണിച്ചിട്ട് കണ്ടു പഠിക്കും ,പഠിച്ചേനെ ,പഠിക്കാൻ പോയതാണ് ,പടിച്ചുകൊണ്ടിരിക്കുവാണ് എന്ന് പറയുന്നവരോട് ഒന്നും പറയാനില്ല ..
കലാമൂല്യം ഉള്ളതുകൊണ്ടുവന്നു അത് കച്ചവടമാക്കി കാണിച്ചു പതിനായിരക്കണക്കിന് ആൾക്കാർക്കു ജീവിതോപാധി ഉണ്ടാക്കി തരുമ്പോൾ ഇങ്ങനെ ഉള്ള ജല്പനങ്ങൾ പൂവിട്ടു പൂജിക്കാം ..അല്ലാത്തിടത്തോളം ഇതിനെ ഞങ്ങളും എതിർക്കും ..പിന്നെ ഇന്നലത്തെ പോസ്റ്റുകൾക്കു താഴെ വന്ന കമന്റിൽ ഭൂരിഭാഗവും ഞാൻ വായിച്ചില്ല ..ചിലർ ഇവിടുത്തെ ചീഞ്ഞ രാഷ്ട്രീയം എന്ന് പറഞ്ഞതിനെ മണിപ്പൂരിൽ ആണ് ഇപ്പോൾ നല്ല രാഷ്ട്രീയം എന്നൊക്കെ പറഞ്ഞിട്ടുണ്ട് ..മിക്കവാറും അവരുടെ കൂടെ ഞാൻ മണിപ്പൂര് പോകും ..ആരേലും വരുന്നെങ്കിൽ വാ കേട്ടോ 
ഫ്ലൈറ്റ് പുറപെടാറായി നില്കുന്നു
