‘ഒരു ലോഡ് നുണ’കളുമായി ബേസിൽ ജോസഫും ജീത്തു ജോസഫും: ‘നുണക്കുഴി’ ട്രെയിലർ ഹിറ്റ്

ബേസിൽ ജോസഫിനെ നായകനാക്കി ജീത്തു ജോസഫ് സംവിധാനം ചെയ്യുന്ന ‘നുണക്കുഴി’ ട്രെയിലർ ഹിറ്റ്. ഒരു കോമഡി ഫാമിലി എന്റെർറ്റൈനെർ ആകും ചിത്രം എന്നാണ് ട്രെയിലർ നൽകുന്ന സൂചന. ഓഗസ്റ്റ് 15 നു ചിത്രം പ്രദർശനത്തിനെത്തും. ഗ്രേസ് ആന്റണിയാണ് മറ്റൊരു പ്രധാന വേഷത്തിൽ.

സിദ്ദിഖ്, മനോജ്‌ കെ ജയൻ, അജു വർഗീസ്, സൈജു കുറുപ്പ്, അൽത്താഫ് സലിം, നിഖില വിമൽ, ലെന, സ്വാസിക, ബിനു പപ്പു, ബൈജു സന്തോഷ്‌, അസീസ് നെടുമങ്ങാട്, സെൽവരാജ്, ശ്യാം മോഹൻ, ദിനേശ് പ്രഭാകർ, കലാഭവൻ യൂസഫ്, രാജേഷ് പറവൂർ, റിയാസ് നർമ്മകല, അരുൺ പുനലൂർ, ശ്യാം തൃക്കുന്നപുഴ, സന്തോഷ്‌ ലക്ഷ്മണൻ, കലാഭവൻ ജിന്റോ, സുന്ദർ നായക് എന്നിവരും താരനിരയിലുണ്ട്.

കെ. ആർ. കൃഷ്ണകുമാർ തിരക്കഥ രചിച്ച ‘നുണക്കുഴി’ വിക്രം മെഹ്‌റ, സിദ്ധാർത്ഥ് ആനന്ദ് കുമാർ എന്നിവർ ചേർന്നാണ് നിർമ്മിക്കുന്നത്. സാഹിൽ എസ് ശർമ്മയാണ് സഹ നിർമ്മാതാവ്. ആശിർവാദാണ് ചിത്രം വിതരണത്തിനെത്തിക്കുന്നത്.

ഛായാഗ്രഹണം: സതീഷ് കുറുപ്പ്, ചിത്രസംയോജനം: വിനായക് വി എസ്.