Saturday 18 January 2025 03:53 PM IST : By സ്വന്തം ലേഖകൻ

‘അദ്ദേഹത്തെ കണ്ടനാൾ തന്നെ മനസുകൊണ്ട് വിവാഹം ചെയ്തു’: വിവാഹം ചെയ്യില്ലന്ന തീരുമാനം മാറിയത് ആ നിമിഷം: പത്മപ്രിയ

padmapriya-14

ജീവിതപങ്കാളിയെക്കുറിച്ച് ഇതാദ്യമായി മനസു തുറന്ന് നടി പത്മപ്രിയ. ജാസ്മിൻ ഷാ ജീവിതത്തിലേക്ക് കടന്നുവന്ന നിമിഷം മുതൽ അദ്ദേഹത്തോടെ പ്രണയം തോന്നിയിരുന്നുവെന്ന് പത്മപ്രിയ പറയുന്നു. അദ്ദേഹം ഒരു സജീവ രാഷ്ട്രീയ പ്രവർത്തകനാണ്. പക്ഷേ ആശയങ്ങളിലെയും നിലപാടുകളിലേയും വൈരുധ്യം ഞങ്ങളുടെ ബന്ധത്തെ ഒരു തരത്തിലും ബാധിക്കുന്നില്ല. ജാസ്മിൻ ഷായുടെ ആശയങ്ങളും മൂല്യങ്ങളമാണ് തന്നെ അദ്ദേഹത്തിലേക്ക് ആകർഷിച്ചതെന്നും പത്മപ്രിയ പറയുന്നു.

അപ്രതീക്ഷിതമാണ് ജീവിതത്തിൽ സംഭവിക്കുന്ന കാര്യങ്ങൾ ഒരിക്കലും വിവാഹം ചെയ്യില്ല എന്നു പറഞ്ഞ ഞാന്‍ വിവാഹം ചെയ്തു. ഒരിക്കലും സിനിമാ രംഗത്തേക്ക് വരില്ലെന്നു പറഞ്ഞ ഞാന്‍ സിനിമയിലേക്ക് വന്നു. ഒരിക്കലും സിനിമയിലേക്ക് തിരിച്ചു വരില്ലെന്ന് പറഞ്ഞിട്ടും തിരിച്ചു വന്നു. ജീവിതം എന്താണ് എനിക്ക് വേണ്ടി കാത്തു വച്ചിരിക്കുന്നതെന്ന് അറിയില്ല. എന്തു ചെയ്താലും ഞാന്‍ എന്റെ ഹൃദയം മുഴുവനായി അതിലേക്ക് അർപ്പിക്കും.

ജീവിതപങ്കാളി ഫിസിക്കലി ഹോട്ട് ആണ് എന്നതിനൊപ്പം സ്വാർഥ താല്പര്യങ്ങളൊന്നുമില്ലാത്ത ഒരു രാഷ്ട്രീയക്കാരനാണ്. ജാസ്മിന്‍ ഷാ സജീവ രാഷ്ട്രീയത്തിലേക്ക് തിരിയുമെന്ന ഒരിക്കലും കരുതിയിരുന്നില്ലെന്നും ഇരുവരും ഒരേ കാഴ്ചപ്പാടുള്ളവരാണെങ്കിലും അദ്ദേഹത്തിന്റെ രാഷ്ട്രീയം തന്നെ സ്വാധീനിക്കില്ല എന്നും പത്മപ്രിയ പറയുന്നു.

ദ് വീക്കിന് നല്‍കിയ അഭിമുഖത്തിലാണ് ജീവിത പങ്കാളിയെക്കുറിച്ച് പത്മപ്രിയ വാചാലയായത്. പത്മപ്രിയയുടെ പങ്കാളി ജാസ്മിൻ ഷാ ആം ആദ്മി പാർട്ടിയുടെ സജീവനേതാവും ഡൽഹി മോഡൽ എന്ന പുസ്തകത്തിന്റെ രചയിതാവുമാണ്.

പത്മപ്രിയയുടെ വാക്കുകൾ:

ജാസ്മിനെ കണ്ട അന്നു തന്നെ അദ്ദേഹത്തെ ഞാൻ മനസുകൊണ്ടു സ്വീകരിച്ചു. എന്റേത് ഒരു കലാഹൃദയമാണ്. രാഷ്ട്രീയത്തിന് അതല്ല വേണ്ടത്. പക്ഷേ ജാസ്മിൻ ഷാ അദ്ദേഹം സജീവ രാഷ്ട്രീയത്തിലുണ്ട്. അങ്ങനെയൊരു തീരുമാനം അദ്ദേഹം എടുക്കുമെന്ന് എനിക്ക് അറിയില്ലായിരുന്നു. അദ്ദേഹത്തിനു പോലും അറിയില്ലായിരുന്നു. മറ്റൊരു മനുഷ്യനെ ദ്രോഹിക്കുന്ന ഒന്നും ഇദ്ദേഹം ചെയ്യില്ലെന്ന് മാത്രം എനിക്ക് ബോധ്യമുണ്ട്. ഞങ്ങള്‍ രണ്ട് പേരും മിഡില്‍ ക്ലാസ് വാല്യൂ ഉള്ളവരാണ്.

പരസ്പരം മനസിലാക്കുന്ന പങ്കാളികളാണ് തങ്ങൾ. രണ്ട് വ്യത്യസ്ത ധ്രുവങ്ങളിലുള്ള ഞങ്ങൾ പങ്കാളി എന്നതിലപ്പുറം അവരവരുടെ നിലപാടുകളിൽ പരസ്പരം ഇടപെടാറില്ല. ഞാൻ ഒരു സജീവ രാഷ്ട്രീപ്രവർത്തക അല്ല. ജാസ്മിൻ ഒരു പാർട്ടിയിൽ പ്രവർത്തിക്കുന്നത് എന്നെ ഒരു വിധത്തിലും ബാധിക്കിഎനിക്ക് വോട്ട് ചെയ്യാൻ കഴിയും. ഞങ്ങളിൽ പൊതുവായി ഉള്ളത് ഞങ്ങൾ വൈവിധ്യത്തിൽ വിശ്വസിക്കുന്നു എന്നുള്ളതാണ്.

padmapriya-2

വ്യക്തി എന്ന നിലയിൽ എല്ലാവരെയും സമഭാവനയോടെ കാണുന്നു ഉൾക്കൊള്ളുന്നു എന്നത് ജാസ്മിന്റെ മേന്മയാണ്. അദ്ദേഹം എല്ലാവരുടെയും അവകാശങ്ങൾക്കു വേണ്ടി നിലകൊള്ളുന്നു, സംസാരിക്കുന്നു. കോർപറേറ്റ് ലോകത്തായിരുന്നെങ്കിൽ തന്റെ വിദ്യാഭ്യാസ യോഗ്യത അനുസരിച്ച് അദ്ദേഹത്തിന് വളരെ വലിയ ശമ്പളവും ആഡംബര ജീവിതവും ലഭിച്ചേനെ. പക്ഷേ, ഇത് അദ്ദേഹത്തിന്റെ ചോയ്‌സാണ്. ആ മൂല്യമാണ് എന്നെ അദ്ദേഹത്തോട് ചേര്‍ത്തു നിര്‍ത്തുന്നത്.

ഞങ്ങൾ രണ്ടും മിഡിൽ ക്ലാസ് കുടുംബത്തിൽ നിന്നു വന്നവരാണ്. അതുകൊണ്ട് മിഡിൽ ക്ലാസിന്റെ പ്രശ്നങ്ങൾ മനസിലാകും. എന്നെയും ജാസ്മിൻ ഷായെയും പരസ്പരം ബന്ധിപ്പിക്കുന്നതും ആ പൊതുവായ ജീവിതരീതിയാണ്.

ജാസ്മിൻഷായുടെ എഴുത്തിന്റെ യാത്രയുടെ തുടക്കം മുതൽ ഞാൻ ഒപ്പമുണ്ട്. ഒരു എഴുത്തുകാരൻ എന്ന നിലയിൽ അദ്ദേഹത്തിന്റെ യാത്ര ഞാൻ കണ്ടിട്ടുണ്ട്. ഞാനും അതിൽ പങ്കാളിയായിട്ടുണ്ട്. സർക്കാർ കൊണ്ടുവന്ന നിരവധി നയ മാറ്റങ്ങളിൽ അദ്ദേഹം സജീവമായി പങ്കാളിയായിട്ടുണ്ട്. പൊതുജനത്തിന് ഉപകാരപ്രദമായ കാര്യങ്ങള്‍ ചെയ്യാന്‍ വേണ്ടിയാണ് ജാസ്മിന്‍ രാഷ്രീയത്തിലേക്ക് ഇറങ്ങിയത്. എന്റെ പങ്കാളി ഫിസിക്കലി ഹോട്ട് ആണെന്നതിനൊപ്പം അദ്ദേഹത്തിന്റെ ആശയങ്ങളും എന്നെ ഒരുപാട് ആകര്‍ഷിച്ചു. അദ്ദേഹത്തിന്റെ പുസ്തകം വായിക്കാൻ ഞാൻ എല്ലാവരെയും പ്രേരിപ്പിക്കും.