മലയാള സിനിമയിലെ എക്കാലത്തേയും പ്രമുഖ നിർമാതാക്കളിലൊരാളാണ് ഇന്നലെ അന്തരിച്ച അരോമ മണി എന്ന എം.മണി. നിർമാണത്തിനൊപ്പം സംവിധായകനുമായിരുന്ന അദ്ദേഹം അരോമ മൂവീസ്, സുനിത പ്രൊഡക്ഷന്സ് തുടങ്ങിയ ബാനറുകളില് നിരവധി സൂപ്പര് ഹിറ്റ് ചിത്രങ്ങളാണ് ഒരുക്കിയത്. തിരുവനന്തപുരം സ്വദേശിയായ മണി ആകെ അറുപത്തിരണ്ട് സിനിമകള് നിര്മിച്ചപ്പോൾ ഭൂരിപക്ഷവും സൂപ്പർഹിറ്റുകളായി. അതിൽ, തിങ്കളാഴ്ച നല്ല ദിവസം, ദൂരെ ദൂരെ ഒരു കൂടു കൂട്ടാം തുടങ്ങിയ ചിത്രങ്ങള് ദേശീയ അവാര്ഡും നേടി.
1977ല് റിലീസ് ചെയ്ത മധു നായകനായ ധീരസമീരെ യമുനാതീരെ ആയിരുന്നു അരോമ മണിയുടെ ആദ്യ നിര്മാണ സംരംഭം. ദൂരെ ദൂരെ ഒരു കൂടുകൂട്ടാം, ഇരുപതാം നൂറ്റാണ്ട്, ഒരു സിബിഐ ഡയറിക്കുറിപ്പ്, ഓഗസ്റ്റ് ഒന്ന്, ജാഗ്രത, കോട്ടയം കുഞ്ഞച്ചന്, സൂര്യ ഗായത്രി, ധ്രുവം, കമ്മിഷണര്, ജനാധിപത്യം, പല്ലാവൂര് ദേവനാരായണന്, പ്രേം പൂജാരി, എഫ് ഐ.ആര്, മിസ്റ്റര് ബ്രഹ്മചാരി, ബാലേട്ടന്, ദ്രോണ, ആഗസ്റ്റ് 15, തുടങ്ങി മോഹന്ലാല്, മമ്മൂട്ടി, സുരേഷ് ഗോപി തുടങ്ങിയവരുടെ ഹിറ്റ് ചിത്രങ്ങളുടെ നിര്മാതാവായ മണി ആ ദിവസം, കുയിലിനെത്തേടി, എങ്ങനെ നീ മറക്കും, എന്റെ കളിത്തോഴന് , ആനയ്ക്കൊരുമ്മ, പച്ചവെളിച്ചം എന്നീ ഏഴു ചിത്രങ്ങള് സംവിധാനം ചെയ്തു. 2013 ല് റിലീസ് ചെയ്ത ആര്ട്ടിസ്റ്റ് എന്ന ചിത്രമാണ് അദ്ദേഹം അവസാനമായി നിര്മിച്ചത്.
