ആരാധികയുടെ സ്നേഹക്കുറിപ്പ് ഷെയർ ചെയ്ത് ആസിഫ് അലി. ശിൽപ വി.എസ് എന്ന വിദ്യാർത്ഥിനി എഴുതിയ ഫെയ്സ്ബുക്ക് പോസ്റ്റ് ആണ് ആസിഫ് തന്റെ ഫെയ്സ്ബുക്ക് പേജിൽ ഷെയർ ചെയ്തിരിക്കുന്നത്. തന്റെ കോളജില്‍ ആസിഫ് അതിഥിയായി വന്നപ്പോൾ താൻ വരച്ച ചിത്രം താരത്തിന് സമ്മാനിക്കാൻ കഴിഞ്ഞതിന്റെ സന്തോഷമാണ് ആസിഫ് പങ്കുവച്ചിരിക്കുന്നത്. പോസ്റ്റ് ഇതിനോടകം വൈറലാണ്.
ശിൽപ വി.എസ് എഴുതിയ കുറിപ്പ് വായിക്കാം:
ഇനിയും ഞാൻ ഉയർത്തെഴുന്നേൽക്കും...ഏതൊരാൾക്കും ഉള്ളത് പോലെ എനിക്കും ഉണ്ടായിരുന്നു ഒരുപാട് ആഗ്രഹങ്ങളും സ്വപ്നങ്ങളും. അതിൽ ചെറു കണിക പോലുള്ള സ്വപ്നങ്ങൾ എനിക്ക് വന്നു ചേർന്നു തുടങ്ങി. ചെറുപ്പത്തിലേ എന്നിൽ ഉണ്ടായിരുന്ന പേടിയും ആരെങ്കിലും എന്തൊക്കെ വിചാരിക്കും എന്നുള്ള എന്റെ തോന്നലിനും ഞാൻ ഇവിടെ ഷട്ടർ ഇടുകയാണ്. ഞാൻ വരച്ച ആസിഫ് ഇക്കയുടെ ചിത്രം വരച്ചുണ്ടാക്കാനായി എന്നോട് കോളേജ് ചെയർമാൻ അനിസൺ പറഞ്ഞപ്പോഴും ആസിഫ് ഇക്കയ്ക്ക് കൈ മാറുന്നതിനു മുന്നേ വരെ എന്റെ മനസ്സിൽ ഞാൻ ഒരു കഴിവും ആർക്കു ഉപകാരവും എന്തിനു ഒരാളോട് സംസാരിക്കാൻ പോലും മടി കാണിച്ച ആളായിരുന്നു..ഇപ്പൊ ഞാൻ എന്നെ തന്നെ മനസ്സിലാക്കുന്നു. അതിലുപരി ഒരുപാട് സന്തോഷവും. എന്റെ കഴിവ് ഞാൻ പോലും നോക്കിക്കാണാത്ത രീതിയിൽ എന്റെ വീട്ടുകാരും സഹപാഠികളും അദ്ധ്യാപകരും കണ്ടിട്ടുണ്ട് അവർക്കാണ് ഞാൻ ഇത് സമർപ്പിക്കുന്നതും നന്ദി പറയുന്നതും. ഇനിയും മുന്നേറാനും എന്നിലെ കഴിവിനെ ഉത്തേജിപ്പിക്കാനും ഞാൻ ഇനിയും ശ്രമിക്കും..എല്ലാത്തിനും നന്ദി..എല്ലാവരോടും ഒരുപാട് സ്നേഹം.."
Asif ikka താരങ്ങൾ ആകാശത്ത് നിൽക്കാൻ ഇഷ്ടപ്പെടുമ്പോ ഭൂമിയിൽ നിൽക്കാൻ ഇഷ്ടപെടുന്ന നിങ്ങൾ ഒരു അത്ഭുതം ആണ്.
Thanks to anison and all sankarians
-ശിൽപ
PC : Gokulmanoj
