മകൾ മറിയത്തിനായി വർഷങ്ങൾക്കു ശേഷം വീണ്ടും ബ്രഷ് കയ്യിലെടുത്ത വിശേഷം പങ്കുവച്ച് ദുൽഖർ സൽമാൻ. മകൾക്കു വേണ്ടി വരച്ച ബൈക്കിന്റെ ചിത്രം പോസ്റ്റ് ചെയ്തുകൊണ്ടാണ് താരത്തിന്റെ കുറിപ്പ്.
‘നന്ദി മറിയം. ഹൈസ്കൂൾ ക്ലാസിനു ശേഷം ഞാൻ ബ്രഷ് കയ്യിലെടുത്ത് പെയിന്റ ് ചെയ്തു. സ്വാഭാവികമായും ഇത്തവണയും അത് കാറോ ബൈക്കോ തന്നെ’.– ചിത്രത്തിനൊപ്പം ദുൽഖർ കുറിച്ചു.
ദുൽഖറിന്റെ ‘നീലാകാശം പച്ചക്കടൽ ചുവന്ന ഭൂമി’ എന്ന ചിത്രത്തിന്റെ ഏഴാം വാർഷികമായിരുന്നു ഇന്നലെ. തന്റെ വര ആ ചിത്രത്തിനായി സമർപ്പിക്കുകയാണ് താരം.
ഇപ്പോൾ കുടുബത്തിനൊപ്പം സമയം ചെലവഴിക്കുന്ന ദുൽഖർ തന്റെയും കുടുംബത്തിന്റെയും പുത്തൻ വിശേഷങ്ങളും ചിത്രങ്ങളും സോഷ്യൽ മീഡിയയിൽ പോസ്റ്റ് ചെയ്യുക പതിവാണ്.