മകന്റെ പേര് പങ്കുവച്ച് നടൻ മണികണ്ഠന്‍. അടുത്തിടെയാണ് മണികണ്ഠനും ഭാര്യ അഞ്ജലിക്കും ആദ്യത്തെ കണ്‍മണിയായി ഒരു ആൺകുഞ്ഞ് പിറന്നത്.
‘ഇന്ന് ഞങ്ങളുടെ പ്രധാനപ്പെട്ട ഒരു ദിവസമാണ്. ഞങ്ങളുടെ മകന് ഈ വിശാലമായ ലോകത്തിന് കൈ കൊടുത്ത് പേരു ചൊല്ലി പരിചയപ്പെടാൻ അവന് ഞങ്ങൾ ഒരു പേരിട്ടു. ചെറിയ പേരാണങ്കിലും വലിയ അർഥമുള്ള ഒരു പേര്...ഇസൈ.... ഇസൈ മണികണ്ഠൻ ....’. – മകനും ഭാര്യയ്ക്കുമൊപ്പമുള്ള ചിത്രം പങ്കുവച്ച് താരം കുറിച്ചു.
തമിഴിൽ സംഗീതം എന്നാണ് ഇസൈ എന്ന പേരിന്റെ അർത്ഥം. ‘തുറമുഖം’ ആണ് മണികണ്ഠന്റെതായി റിലീസിങ്ങിനൊരുങ്ങുന്ന പുതിയ ചിത്രങ്ങള്‍.
