മലയാളത്തിന്റെ പ്രിയ അഭിനേത്രിയും അവതാരകയുമാണ് മീര നന്ദൻ. ഇപ്പോഴിതാ, തന്റെ പിറന്നാൾ ദിനത്തിൽ താരം സോഷ്യൽ മീഡിയയിൽ പങ്കുവച്ച കുറിപ്പ് ചർച്ചയാകുന്നു. ഇരുപതുകളില് തന്റെ ജീവിതത്തില് ഉണ്ടായ മാറ്റത്തെ കുറിച്ചും അനുഭവങ്ങളെ കുറിച്ചും ആണ് മീരയുടെ കുറിപ്പ്.
തന്റെ ഇരുപതുകളിലേക്ക് തിരിഞ്ഞുനോക്കുമ്പോള് കഴിഞ്ഞ ഒരു ദശാബ്ദത്തില് ഒരുപാട് കാര്യങ്ങള് പഠിക്കുകയും പലതിലും ആദ്യ അനുഭവം നേടുകയും ചെയ്തിട്ടുണ്ടെന്നും ഇന്ന് താന് എന്താണോ അതിലേക്ക് എത്തിച്ചേരാന്, ഉയര്ച്ചയോ താഴ്ചയോ, ഒന്നിനും മാറ്റം വരുത്താന് ഞാന് ആഗ്രഹിക്കുന്നില്ലെന്നും മീര കുറിക്കുന്നു.
‘കോളജ് പൂര്ത്തിയാക്കി, ഒരു ഡിഗ്രി നേടി അതിനിടയില് അഭിനയത്തിലും തുടക്കം കുറിച്ചു, ദുബായിയിലേക്ക് മാറിത്താമസിച്ചു, റേഡിയോയില് ഒരു കൈ നോക്കാന് അവസരം കിട്ടി (ഇപ്പോള് ഞാന് ഏറ്റവുമധികം ഇഷ്ടപ്പെടുന്നതും അതാണ്). ഒറ്റയ്ക്ക് ജീവിച്ചു. പ്രണയത്തിലായി, ഹൃദയത്തകര്ച്ചകള് നേരിട്ടു. ആദ്യം സ്വയം സ്നേഹിക്കണമെന്ന് പഠിച്ചു. എന്തൊക്കെ സംഭവിച്ചാലും കുടുംബമാണ് പ്രധാനമെന്ന് മനസ്സിലാക്കി. പുതിയ സുഹൃത്തുക്കളെ നേടി. ഇപ്പോള് ഒരു മഹാമാരിയിലൂടെ കടന്നുപോകുന്നു പക്ഷേ കൂടുതല് നല്ല ദിനങ്ങള് മുന്നിലുണ്ടെന്ന് അറിയുന്നു. എന്റെ ഇരുപതുകള് നല്ലതായിരുന്നു, പക്ഷേ മുപ്പതുകള് കൂടുതല് നല്ലതായിരിക്കുമെന്ന് പ്രതീക്ഷിക്കുന്നു.’–മീര കുറിച്ചു.