നിവിൻ പോളി നായകനാകുന്ന പടവെട്ടിന്റെ ഫസ്റ്റ്ലുക്ക് പോസ്റ്റർ ഹിറ്റ്. സണ്ണി വെയ്ൻ നിർമിക്കുന്ന ചിത്രം സണ്ണി വെയ്ൻ പ്രൊഡക്ഷൻസിന്റെ ബാനറില് നവാഗതനായ ലിജു കൃഷ്ണ തിരക്കഥ എഴുതി സംവിധാനം ചെയ്യുന്നു. നിവിന്റെ മാസ് ലുക്കാണ് പോസ്റ്ററിന്റെ ഹൈലൈറ്റ്.
അരുവി എന്ന ചിത്രത്തിലൂടെ മലയാളികള്ക്കും സുപരിചിതയായ അദിതി ബാലനാണ് നായിക. മഞ്ജു വാരിയര് മറ്റൊരു പ്രധാന കഥാപാത്രത്തെ അവതരിപ്പിക്കുന്നു. ഷൈന് ടോം ചാക്കോ, ഷമ്മി തിലകന്, ഇന്ദ്രന്സ്, വിജയരാഘവന്, കൈനകരി തങ്കരാജ്, ബാലന് പാറക്കല് തുടങ്ങിയവരാണ് താരനിരയിലെ പ്രമുഖർ.
ദീപക് ഡി. മേനോനാണ് ക്യാമറ കൈകാര്യം ചെയ്യുന്നത്. അന്വര് അലിയുടെ വരികള്ക്ക് ഗോവിന്ദ് വസന്ത സംഗീതം നല്കുന്നു. ബിബിന് പോളാണ് എക്സിക്യൂട്ടീവ് പ്രൊഡ്യൂസർ.
എഡിറ്റിങ് ഷഫീഖ് മുഹമ്മദലിയും സൌണ്ട് ഡിസൈന് രംഗനാഥ് രവിയും നിര്വഹിക്കുന്നു. സുഭാഷ് കരുണ് കലാസംവിധാനവും മഷര് ഹംസ വസ്ത്രാലങ്കാരവും റോണക്സ് സേവിയര് മേക്കപ്പും നിര്വഹിക്കുന്നു. ജാവേദ് ചെമ്പാണ് പ്രൊഡക്ഷന് കൺട്രോളര്. സ്റ്റില്സ് ബിജിത്ത് ധര്മടം, വിഎഫ്എക്സ് മൈന്ഡ്സ്റ്റെയിന് സ്റ്റുഡിയോസ്, പരസ്യകല ഓള്ഡ്മങ്ക്സ്.