അമ്മയ്ക്കൊപ്പമുള്ള ക്യൂട്ട് ചിരിപ്പടം പങ്കുവച്ച് മലയാളത്തിന്റെ പ്രിയനായിക പാർവതി തിരുവോത്ത്.
‘അമ്മയുടെ അനിയന്ത്രിതമായ ചിരി നിങ്ങളെ കൂടുതൽ ചിരിപ്പിക്കുമ്പോൾ... ലോകത്തിലെ ഏറ്റവും മികച്ച വികാരങ്ങളിൽ ഒന്ന്... അമ്മ...’ എന്ന കുറിപ്പോടെയാണ് താരം ചിത്രം ഇൻസ്റ്റഗ്രാമിൽ പോസ്റ്റ് ചെയ്തിരിക്കുന്നത്.
താരത്തിന്റെ സഹോദരനാണ് ഈ മനോഹരമായ നിമിഷം ക്യാമറയിൽ പകർത്തിയത്.
‘എന്റെ അമ്മയും ഇങ്ങനെ തന്നെ. ‘ചിരിവള്ളി പൊട്ടി’ എന്നാണ് ഞങ്ങൾ പറയാറ്’ എന്നാണ് ചിത്രത്തിന് റിമ കല്ലിങ്കൽ കമന്റിട്ടത്. ‘ഹാ. ആ പ്രയോഗം തന്നെ’ എന്ന് ഉടൻ എത്തി പാർവതിയുടെ മറുപടി.
ചിത്രത്തിന് താഴെ കമന്റുകളുമായി നിരവധി പേരാണ് എത്തിയിരിക്കുന്നത്.