മണാലിയിൽ അവധിക്കാലം ചെലവഴിക്കാനെത്തിയ പ്രണവ് മോഹൻലാലിനെ അപ്രതീക്ഷിതമായി കണ്ടതിന്റെ സന്തോഷം പങ്കുവച്ച് യുവസഞ്ചാരി ആത്മയാൻ (രാജ്കുമാർ സത്യനാരായണൻ). പ്രണവിനൊപ്പമുള്ള ആത്മയാന്റെ വിഡിയോ ഇതിനോടകം വൈറലാണ്.
വലിയൊരു ബാക്ക്പാക്കുമായി മണാലിയിലെ തെരുവുകളിലൂടെ നടന്നു പോകുകയാണ് പ്രണവ്.
‘വഴിയിൽ നിന്നൊരാളെ കിട്ടയതാണ്, ദേ നിൽക്കുന്നു... ’ എന്ന ആമുഖത്തോടെയാണ് ആത്മയാൻ വിഡിയോയിൽ പ്രണവിനെ പ്രേക്ഷകർക്ക് കാണിക്കുന്നത്.
യാത്രകൾ ഏറെ ഇഷ്ടപ്പെടുന്ന ആളാണ് പ്രണവ് മോഹൻലാൽ. യാത്രകളോടുള്ള പ്രണവിന്റെ താൽപര്യത്തെക്കുറിച്ച് സുഹൃത്തുക്കളും കുടുംബാംഗങ്ങളും പലപ്പോഴും പറഞ്ഞിട്ടുണ്ട്. മുൻപും പ്രണവിന്റെ യാത്രാ ചിത്രങ്ങളും വിഡിയോകളുമൊക്കെ സോഷ്യൽ മീഡിയ ആഘോഷിച്ചിട്ടുണ്ട്.