‘ഡ്രാഗൺ കുഞ്ഞുങ്ങളുടെ വിൽപനയുമായി’ ബന്ധപ്പെട്ട ട്രോളുകളെ ട്രോളി പിഷാരടിയുടെ പോസ്റ്റ്. തന്റെ കയ്യിലുള്ള ‘ഡ്രാഗൺ കുഞ്ഞു’മായി എത്തിയിരിക്കുകയാണ് താരം.
‘ഡ്രാഗൺ, തീ അണയ്ക്കാൻ പരിശീലനം ലഭിച്ചത്’ എന്ന് ഇഗ്വാനയ്ക്കൊപ്പമുള്ള ചിത്രം പങ്കുവച്ച് താരം ഫെയ്സ്ബുക്കിൽ കുറിച്ചു. fire & safty diploma ഉള്ള ഡ്രാഗൺ ആണ് ഇതെന്നും ഒപ്പം കുറിച്ചിട്ടുണ്ട്. രസകരമായ കമന്റുകളാണ് ചിത്രത്തിനു ലഭിക്കുന്നത്.
സമൂഹമാധ്യമങ്ങളിലും മലയാളത്തിലെ ചെറുതും വലുതുമായ ഓൺലൈൻ ന്യൂസ് പേജുകളുടെ കമന്റ ് ബോക്സുകളിലുമാണ് ചില ട്രോളൻമാർ ഡിനോസർ, ഡ്രാഗൺ കുഞ്ഞുങ്ങളുടെ കച്ചവടവുമായി എത്തിയത്. തീ തുപ്പുന്ന ഡ്രാഗൺ കുഞ്ഞുങ്ങളെ വിൽക്കാനുണ്ടെന്ന വാചകത്തിന് താഴെ ഫോൺ നമ്പർ സഹിതം പങ്കുവച്ചാണ് വിരുതൻമാരുടെ ട്രോൾ.
