തെന്നിന്ത്യൻ സിനിമയുടെ ഭാഗ്യനായികയെന്ന പേര് ഒരിക്കൽ കൂടി അന്വർത്ഥമാക്കിയിരിക്കുകയാണ് സാമന്ത. രംഗസ്തലം, മഹാനടി എന്നീ ചിത്രങ്ങളുടെ വിജയ ചിത്രങ്ങള്ക്കു പിന്നാലെ വിശാലിന്റെ നായികയായി എത്തിയ ഇരുമ്പു തിരൈയും ബോക്സ് ഓഫീസിൽ മികച്ച പ്രതികരണം നേടി മുന്നേറുകയാണ്.
എന്നാൽ ഇപ്പോഴിതാ മുൻ കാമുകന് സിദ്ധാർത്ഥിനെക്കുറിച്ച് സാമന്ത നടത്തിയ ചില വെളിപ്പെടുത്തലുകളാണ് വാർത്തകളിൽ നിറഞ്ഞു നിൽക്കുന്നത്. മഹാനടിയിലെ ജെമിനി ഗണേശന്റെ കഥാപാത്രത്തോടാണ് സാമന്ത സിദ്ധാർത്ഥിനെ താരതമ്യം ചെയ്തിരിക്കുന്നത്. നാഗചൈതന്യയുമായുള്ള വിവാഹത്തിനും പ്രണയത്തിനും മുന്പ് സാമന്ത നടന് സിദ്ധാര്ത്ഥുമായി പ്രണയത്തിലായിരുന്നു.
'ആ ബന്ധം തുടര്ന്നിരുന്നെങ്കില് എന്റെ ജീവിതവും സാവിത്രിയെപ്പോലെയാകുമായിരുന്നു. എന്നാല് തുടക്കത്തില് തന്നെ സ്വരച്ചേർച്ചകളും അഭിപ്രായ വ്യത്യാസങ്ങളും മനസ്സിലാക്കാന് സാധിച്ചു. ആ ബന്ധത്തിന് ശുഭപര്യവസാനം ഇല്ലെന്ന് മനസ്സിലാക്കിയ ഞാന് ഭാഗ്യം കൊണ്ട് അതില് നിന്നും തലയൂരി. നാഗചൈതന്യ എന്റെ ജീവിതത്തിലേക്ക് വന്നത് ഒരു അനുഗ്രഹമായിട്ടാണ് ഞാന് കാണുന്നത്. അദ്ദേഹം എല്ലാംകൊണ്ടും മികച്ചതാണ്'. ഇതായിരുന്നു മുന്ബന്ധത്തെക്കുറിച്ചുള്ള സാമന്തയുടെ വെളിപ്പെടുത്തല്
മഹാനടിയില് ജെമിനി ഗണേശന്റെ വിവാഹേതര ബന്ധമാണ് സാവിത്രി എന്ന നടിയെയും വ്യക്തിയെയും തകര്ക്കുന്നതിന് കാരണമായി കാണിക്കുന്നത്. രണ്ട് വര്ഷം മുന്പാണ് സാമന്തയും സിദ്ധാര്ത്ഥും പ്രണയത്തിലാകുന്നത്. വിവാഹക്കാര്യത്തില് രണ്ട് പേര്ക്കും വ്യത്യസ്ത കാഴ്ചപ്പാടുകളുണ്ടായതാണ് ആ ബന്ധം തകരാന് കാരണമായതെന്നായിരുന്നു അന്നത്തെ വാര്ത്തകള്. സാമന്ത സന്തോഷമായ കുടുംബജീവിതം ആഗ്രഹിച്ചപ്പോള് വിവാഹജീവിതത്തിനോട് സിദ്ധാര്ത്ഥിന് യോജിപ്പില്ലായിരുന്നു.
സിദ്ധാര്ത്ഥുമായുള്ള ബന്ധത്തെപ്പറ്റിയും അത് തകരാനുള്ള കാരണത്തെക്കുറിച്ചുമാണ് ഒരു തെലുങ്ക് മാധ്യമത്തിന് നല്കിയ അഭിമുഖത്തില് സാമന്ത മനസ്സ് തുറക്കുന്നത്.