കാന്സറിനോടു പൊരുതി ജീവിതത്തിലേക്കു തിരികെ വരാനുള്ള പരിശ്രമത്തിലാണ് മലയാളത്തിന്റെ പ്രിയനടി ശരണ്യ. സാമ്പത്തിക പ്രതിസന്ധിയില് പെട്ട്, വാടക വീട്ടില് കഴിയുകയായിരുന്ന ശരണ്യയുടെ അവസ്ഥ മനസ്സിലാക്കി നന്മനിറഞ്ഞ മനസ്സുകളുടെ സഹായത്താല് ശരണ്യയ്ക്ക് പുതിയ വീട് ഒരുങ്ങിയിരിക്കുകയാണ്. ഇന്നാണ് വീടിന്റെ പാലുകാച്ചല്.
തിരുവനന്തപുരം ചെമ്പഴന്തിയിലെ ഈ വീട്ടിലാകും ഇനി ശരണ്യ താമസിക്കുക.
ചെമ്പഴന്തി ശ്രീനാരായണ ഗുരുകുലത്തിന് സമീപം പാടത്തിന്റെ കരയില് മനോഹരമായ സ്ഥലത്താണ് വീട്. ശരണ്യയുടെ ചികില്സക്കെന്ന പോലെ വീടൊരുക്കിക്കൊടുക്കുന്നതിനും മുന്കൈയെടുത്തത് നടി സീമ.ജി.നായരാണ്. പ്രതിസന്ധി ഘട്ടത്തില് ശരണ്യയോടൊപ്പം സീമ എപ്പോഴും ഉണ്ട്.