അന്തരിച്ച നടന്‍ നെടുമുടി വേണുവിനെക്കുറിച്ചുള്ള തന്റെ ഓർമകൾ പങ്കുവച്ച് നടി സീമ ജി നായർ. നെടുമുടിയും കുടുംബവുമായുള്ള അടുപ്പത്തെക്കുറിച്ചും സൗഹൃദത്തെക്കുറിച്ചുമാണ് താരത്തിന്റെ ഫെയ്സ്ബുക്ക് പോസ്റ്റ്. തന്റെ യൂ ട്യൂബ് ചാനലിൽ നെടുമുടിയെ അനുസ്മരിച്ച് ഒരു വിഡിയോയും സീമ പോസ്റ്റ് ചെയ്തിട്ടുണ്ട്.
സീമയുടെ കുറിപ്പ് –
2009-ൽ ആണ് ഞാൻ ആദ്യമായി ഒരു അമേരിക്കൻ ട്രിപ്പ് പോകുന്നത്.. ഡയറക്ടർ രാജീവ്‌നാഥ് സാറിന്റെ നേതൃത്വത്തിൽ ആയിരുന്നു ആ ട്രിപ്പ്.. നെടുമുടി വേണുവേട്ടൻ, KPAC ലളിതാമ്മ, നന്ദു, ജയരാജ് വാരിയർ തുടങ്ങിയവരൊക്കെയുണ്ട്.. ഒരു മാസം നീണ്ടു നിന്ന പ്രോഗ്രാം ആയിരുന്നു.. സത്യത്തിൽ നല്ല ടെൻഷൻ ഉണ്ടായിരുന്നു.. ഇത്രയും സീനിയർ ആയ ആളുകളുടെ കൂടെ പോകുമ്പോൾ എങ്ങനെയായിരിക്കുമെന്ന്.. റിഹേഴ്‌സൽ ക്യാമ്പിൽ പോയപ്പോൾ ആ ചിന്തകളെല്ലാം അസ്ഥാനത്തായിരുന്നു എന്ന് മനസ്സിലായി.. മനോഹരമായ ഓർമ്മകൾ നിറഞ്ഞ ദിവസങ്ങൾ.. അമേരിക്കയിൽ ചെന്നിട്ടുള്ള യാത്രകൾ മുഴുവൻ ബസ്സിൽ ആയിരുന്നു.. ചിരിയും കളിയും തമാശകളും നിറഞ്ഞതായിരുന്നു ഞങ്ങളൊന്നിച്ചുള്ള ഓരോ യാത്രകളും.. ഷോ ആണെങ്കിൽ സൂപ്പർ ഹിറ്റ്.. 2 ഗ്രൂപ്പുകളായി തിരിഞ്ഞു രണ്ടു വീടുകളിൽ ആയിട്ടായിരുന്നു ഞങ്ങൾ താമസിച്ചത്.. വേണുവേട്ടൻ, നന്ദു, ജയരാജ് വാരിയർ, ശാലിനി, രാജീവ്‌നാഥ് സാറും വൈഫും പിന്നെ ഞാനും ഒരു വീട്ടിൽ.. ലളിതാമ്മ, ദേവി ചന്ദന, സയനോര തുടങ്ങിയവർ മറ്റൊരു വീട്ടിലും.. വാഷിംഗ്ടണിലെ ആ വീട്ടിൽ നിന്നും മിനിഞ്ഞാന്നു ചന്ദ്രിക ചേച്ചി വിളിച്ചിരുന്നു മോന്റെ കല്യാണം പറയാൻ.. വിളിച്ചപ്പോൾ അന്നത്തെ ഓർമ്മകൾ ഞങ്ങൾ പങ്ക് വെച്ചു.. ഒരു കുടുംബം പോലെ ഞങ്ങൾ കഴിഞ്ഞ ദിവസങ്ങൾ.. അടുക്കള ഭരണം എനിക്കായിരുന്നു.. ശനിയും ഞായറും ആയിരുന്നു ഞങ്ങൾക്ക് ഷോകൾ.. പ്രോഗ്രാം ഇല്ലാത്ത ദിവസങ്ങളിൽ ആ വീട്ടിലെ എല്ലാ കാര്യവും ഞാൻ നോക്കിയിരുന്നു.. സമയാ സമയങ്ങളിൽ ഭക്ഷണം ഉണ്ടാക്കി എല്ലാവർക്കും കൊടുക്കും.. ഷുഗറൊക്കെ ഉള്ളവർക്ക് പ്രത്യേകം തയ്യാറാക്കും.. ഒരു കുടുംബം പോലെ ചേർന്ന് നിന്ന ദിവസങ്ങൾ.. എന്റെ ജീവിത യാത്രകളെ കുറിച്ച് അദ്ദേഹം ചോദിച്ചറിഞ്ഞു, എന്നെ സമാധാനിപ്പിക്കാനും ഉപദേശിക്കാനും ഒക്കെ ഒരു അച്ഛനായി അമ്മാവനായി ചേട്ടനായി ചേർത്ത് പിടിച്ചു.. എല്ലാവർക്കും അദ്ദേഹം അങ്ങനെ തന്നെ ആയിരുന്നു.. അതുകൊണ്ടു തന്നെ ചന്ദ്രിക ചേച്ചി വിളിച്ചപ്പോൾ അറിഞ്ഞോ അറിയാതെയൊ വേണുവേട്ടന്റെ കാര്യങ്ങളും കടന്നു വന്നിരുന്നു.. ഇന്നലെ ഒരു ഇടിത്തീ പോലെ മരണ വാർത്തയും.. ഒട്ടും പ്രതീക്ഷിക്കാതെ ഈ വിയോഗം.. ഞാനിപ്പോൾ എറണാകുളത്ത് ഷൂട്ടിംഗ് ലൊക്കേഷനിൽ ആണുള്ളത്, അവസാനമായി ഒരു നോക്ക് കാണാൻ കഴിയാത്തതിൽ അതിയായി വിഷമമുണ്ട്.. നിത്യ ശാന്തി നേരാനേ കഴിയുവുള്ളല്ലോ.. നിത്യശാന്തി.. നിത്യ ശാന്തി...
Video Link : https://youtu.be/er8TqJB39wg
