നടി ഷംന കാസിമിനെ ഭീഷണിപ്പെടുത്തി പണം തട്ടാന് ശ്രമിച്ച സംഭവത്തിൽ കൂടുതൽ വിവരങ്ങൾ പുറത്ത്. ഷംനയെ ബ്ലാക്ക്മെയ്ൽ ചെയ്ത സംഘം മലയാളത്തിലെ ഒരു പ്രശസ്ത നായികനടിയെയും കേരളത്തിന് പുറത്തു താമസിക്കുന്ന പ്രശസ്ത നടനെയും സ്വാധീനിക്കാന് ശ്രമം നടത്തി.
സ്വര്ണക്കടത്ത് സംഘം എന്നു സ്വയം പരിചയപ്പെടുത്തിയാണ് ഫോണില് ബന്ധപ്പെടാന് ശ്രമിച്ചതെങ്കിലും കടത്താൻ തക്ക അളവിലുള്ള സ്വർണമൊന്നും ഇവർ കണ്ടിട്ടില്ലെന്നാണ് അന്വേഷണ സംഘത്തിന്റെ നിഗമനം.
ഷംനയോട് പണം ആവശ്യപ്പെടുന്നതിനു മുൻപാണ് പ്രമുഖ നായിക നടിയെ സംഘം ഫോണില് വിളിച്ച് സ്വര്ണ്ണക്കടത്തിന് ക്ഷണിച്ചത്. പരിചയമുള്ള ഉന്നത പൊലീസ് ഉദ്യോഗസ്ഥന് വഴി ഫോണ് നമ്പറിന്റെ അഡ്രസ് ശേഖരിച്ച് നടിയുടെ ഭര്ത്താവ് തിരിച്ചുവിളിച്ചപ്പോള് അപകടം മനസിലാക്കി സംഘം പിന്മാറി. കാലങ്ങളായി കേരളത്തിന് പുറത്ത് താമസിക്കുന്ന മലയാളത്തിന്റെ പ്രിയങ്കരനായ മുതിര്ന്ന നടനെ ബന്ധപ്പെടാന് സംഘം പലവട്ടം ശ്രമിച്ചെങ്കിലും ഫോണില് കിട്ടിയില്ല. ഷംനയുടെ പരാതിയില് പ്രതികള് അറസ്റ്റിലായ ശേഷം ഫോണ് രേഖകളിൽ നിന്നാണ് ഇക്കാര്യങ്ങള് കണ്ടെത്തിയത്.