തന്റെ വളർത്തുനായ വീരനെ കാണാനില്ലെന്നും കണ്ടെത്താൻ സഹായിക്കണമെന്നും നടൻ അക്ഷയ് രാധാകൃഷ്ണൻ. ഇന്നലെ മുതലാണ് വീരനെ കാണാതായതെന്ന് അക്ഷയ് പറയുന്നു. വീരന്റെ അടയാളങ്ങള്‍ വച്ച് തയാറാക്കിയ പോസ്റ്ററും അക്ഷയ് പങ്കുവച്ചിട്ടുണ്ട്.
‘ഇന്നലെ മുതൽ കാൺമാനില്ല. സ്ഥലം ആലുവ , ചൂർണ്ണിക്കര ഗ്രാമപഞ്ചായത്ത് . എന്തെങ്കിലും വിവരം കിട്ടിയാൽ അറിയിക്കുക’.– വീരന്റെ ചിത്രത്തിനൊപ്പം അക്ഷയ് കുറിച്ചു.
അക്ഷയുടെ സന്തതസഹചാരിയാണ് വീരൻ. വീരനൊപ്പം അക്ഷയ് ഒരു പരിപാടിക്ക് സ്റ്റേജിൽ കയറിയത് വാർത്തയായിരുന്നു. ‘18–ാം പടി’യിൽ അയ്യപ്പൻ എന്ന കഥാപാത്രത്തെ അവതരിപ്പിച്ച് ശ്രദ്ധേയനായ നടനാണ് അക്ഷയ്.
