ചന്ദ്രു സെൽവരാജിനെ മികച്ച ഛായാഗ്രഹണത്തിലുള്ള സംസ്ഥാന ചലച്ചിത്ര പുരസ്കാരം തേടിയെത്തിയത് മൊബൈൽ ഫോണില്‍ ചിത്രീകരിച്ച ‘കയറ്റ’ത്തിലെ മനോഹരമായ കാഴ്ചകൾക്ക്.
മഞ്ജു വാരിയരെ നായികയാക്കി സനൽകുമാർ ശശിധരൻ സംവിധാനം ചെയ്ത ‘കയറ്റം’ ഐ ഫോൺ 10എക്സ് ഉപയോഗിച്ച് ഹിമാലയൻ ചാരുത ഒപ്പിയെടുത്ത ചിത്രമാണ്.
ഇതേ സിനിമയിലൂടെയാണ് കളർ ഗ്രേഡിങ് മികവിന് ലിജു പ്രഭാകറിനും പുരസ്കാരം ലഭിച്ചിരിക്കുന്നത്.
ഹിമാലയൻ പർവതപാതകളിലാണ് ‘കയറ്റം’ ചിത്രീകരിച്ചിരിക്കുന്നത്. കേവലം ഒരു മൊബൈൽ ഫോണിലാണ് ചിത്രീകരണം എന്നതുൾപ്പെടെ നിരവധി പ്രത്യേകതകളാണ് ചിത്രത്തിനുള്ളത്.
