മലയാള സാഹിത്യത്തിലെയും സിനിമയിലെയും ഇതിഹാസം എം.ടി.വാസുദേവൻ നായർക്ക് ഇന്ന് 91ആം ജന്മദിനം.
പ്രിയപ്പെട്ട എം.ടിക്ക് പിറന്നാൾ ആശംസകൾ നേർന്ന് മലയാളത്തിന്റെ പ്രിയനടൻ മോഹൻലാൽ സോഷ്യൽ മീഡിയയിൽ പങ്കുവച്ച കുറിപ്പ് ഇതിനോടകം വൈറലാണ്.
‘ബഹുമാനപ്പെട്ട എം.ടി സാറിന് സ്നേഹത്തോടെ, പ്രാർഥനയോടെ ഹൃദയം നിറഞ്ഞ ജന്മദിനാശംസകൾ’ എന്നാണ് എം.ടിക്കൊപ്പമുള്ള ചിത്രം പങ്കുവച്ച് മോഹൻലാൽ കുറിച്ചത്.
കൊച്ചിയിലാണ് എം.ടി. ഈ ജന്മദിനത്തിൽ. എം.ടി.യുടെ ഒൻപതു കഥകൾ ചേരുന്ന ആന്തോളജി സിനിമയുടെ ട്രെയിലർ ലോഞ്ചും ഇന്നു കൊച്ചിയിൽ നടക്കും.
1933 ജൂലൈ 15നാണ് കൂടല്ലൂരിൽ ടി. നാരായണൻ നായരുടെയും അമ്മാളു അമ്മയുടെയും മകനായി എം.ടി. ജനിച്ചു. ജന്മനക്ഷത്രമായ കർക്കടകത്തിലെ ഉത്തൃട്ടാതി ഈ മാസം 26നാണ്.
