‘ചേട്ടച്ഛന്റെയും മീനാക്ഷിക്കുട്ടിയുടെയും’ ഏറ്റവും പുതിയ ചിത്രം ആഘോഷമാക്കി സോഷ്യൽ മീഡിയ. മോഹൻലാലും വിന്ദുജ മേനോനും ‘അമ്മ’യുടെ മന്ദിരം ഉദ്ഘാടന വേളയിലാണ് വീണ്ടും കണ്ടുമുട്ടിയത്.
മലയാളത്തിലെ എക്കാലത്തെയും മികച്ച സിനിമകളുടെ പട്ടികയിലാണ് ടി.കെ രാജീവ് കുമാർ സംവിധാനം ചെയ്ത്, 1994 ൽ റിലീസ് ചെയ്ത ‘പവിത്ര’ത്തിന്റെ സ്ഥാനം. ചിത്രം ചേട്ടച്ഛന്റെയും മീനാക്ഷിക്കുട്ടിയുടെയും കഥയായിരുന്നു. മോഹൻലാലും വിന്ദുജ മേനോനുമാണ് ഈ കഥാപാത്രങ്ങളെ മനോഹരമാക്കിയത്.
നർത്തകി കൂടിയായ വിന്ദുജയെ താരമാക്കിയ ചിത്രമാണ് ‘പവിത്രം’. ചിത്രത്തിൽ മോഹൻലാലിന്റെ പ്രകടനം സമാനതകളില്ലാത്ത വിധം ഗംഭീരമാണ്.
