അന്തരിച്ച നടൻ ശരണിന്റെ ഓർമകളിൽ മനോജ് കെ ജയൻ. മോഹൻലാൽ നായകനായ ചിത്രം എന്ന സൂപ്പർഹിറ്റില് ശ്രദ്ധേയ വേഷത്തിൽ തിളങ്ങിയ നടനാണ് ശരൺ.
‘ശരൺ. അഭിനയജീവിതം തുടങ്ങിയ കാലം മുതൽ അറിയുന്ന വ്യക്തി, സുഹൃത്ത്. ’കുമിളകൾ’ സീരിയലിൽ 1989-ൽ അഭിനയിക്കുമ്പോൾ ശരണിന് ഒരു സിനിമാഗ്ലാമറും ഉണ്ടായിരുന്നു, ‘ചിത്രം’ സിനിമയിൽ ലാലേട്ടന്റെ കൂടെ ശ്രദ്ധേയമായ റോളിൽ വന്ന ആൾ എന്നതും... മൂന്നു മാസം മുൻപ് സംസാരിച്ചിരുന്നു. ആ കാലത്തെ ഒരു പാട് ഓർമ്മകളും, സന്തോഷങ്ങളും ഇപ്പോഴുള്ള കുറെ വിഷമങ്ങളും പങ്കു വച്ചു. ഇത്ര പെട്ടെന്ന് യാത്രയാകും എന്നു കരുതിയില്ല. ആദ്യകാല സംഭവങ്ങളും സൗഹൃദങ്ങളും നമുക്ക് ഒരിക്കലും മറക്കാനാവില്ല, എനിക്കും...വലിയ വിഷമത്തോടെ ശരണിന് ആദരാജ്ഞലികൾ അർപ്പിക്കുന്നു.പ്രണാമം..’ – മനോജ് കെ ജയൻ ഫെയ്സ്ബുക്കിൽ കുറിച്ചു.