പ്രശസ്ത നർത്തകിയും നടൻ മുകേഷിന്റെ ഭാര്യയുമായ മേതിൽ ദേവികയുടെ ‘സർപ്പതത്വം’ എന്ന ഡാൻസ് ആർക്കൈവല് ഫിലിം മലയാളത്തിന്റെ താരചക്രവർത്തി മോഹൻലാൽ തന്റെ ഫെയ്സ്ബുക്ക് പേജിലൂടെ റിലീസ് ചെയ്തു. മനോഹരമായി അണിയിച്ചൊരുക്കിയ, ദേവികയുടെ പ്രതിഭ പതിഞ്ഞ ഈ ദൃശ്യാവിഷ്കാരം ഇതിനോടകം ആസ്വാദകരുടെ ഹൃദയം കീഴടക്കിക്കഴിഞ്ഞു.
സർപ്പതത്വത്തിന്റെ ആശയം, നൃത്ത സംവിധാനം, സംഗീതം എന്നിവയും അവതരണവും ദേവികയാണ്. രാജേഷ് കടമ്പയും മേതിൽ ദേവികയും ചേർന്നാണ് സംവിധാനം. വിപിൻ ചന്ദ്രനാണ് ഛായാഗ്രഹണം. എഡിറ്റർ ആൽബി നടരാജ്. മുകേഷും മേതിൽ ദേവികയും ചേർന്നാണ് നിർമാണം.