പ്രകൃതിയെക്കൂടി കരുതുന്നതാകണം ഫാഷൻ എന്നാണ് പുതുതലമുറയുടെ ചിന്ത. അതുകൊണ്ടാണ് അവർ ക്ലോത് ബാഗിനെ ചേർത്തുനിർത്തുന്നതും. ഏതു കോസ്റ്റ്യൂമിനൊപ്പവും ഇണങ്ങുന്നതാണ് തുണിത്തരങ്ങൾ കൊണ്ടുള്ള ബാഗ്. കോട്ടൻ, ജ്യൂട്ട്, കാൻവാസ് മെറ്റീരിയലുകളിലാണ് ബാഗ് കൂടുതലായും നിർമിക്കുന്നത്. ഇവ തന്നെ പല തരത്തിലുമുണ്ട്.
∙ സാരി ഉടുക്കുമ്പോൾ കോട്ടൻ ഇന്ത്യൻ ബ്ലോക് പ്രിന്റുള്ള ബാഗുകള് നന്നായി യോജിക്കും.
∙ വെള്ള വസ്ത്രത്തിനൊപ്പം പല നിറങ്ങൾ വരുന്ന ക്രാഫ്റ്റ് ബാഗ് തിരഞ്ഞെടുക്കാം.
∙ കാഷ്വൽസിന് ഇണങ്ങുന്നത് നീളം കുറഞ്ഞ വള്ളിയുള്ള പോട്ലി ബാഗാണ്.
∙ ഓഫിസിലേക്ക് നീളൻ വള്ളിയും ചതുരാകൃതിയുമുള്ള കോട്ടൻ ബാഗ് തിരഞ്ഞെടുക്കാം. കുർത്ത, ഡ്രസ് എന്നിവയ്ക്കൊപ്പം ചേരും.
∙ അധികം സാധനങ്ങൾ കൊള്ളുന്ന ക്ലോത് ഫോൾഡിങ് ബാഗ്, ഹാൻഡ് ബാഗിൽ വയ്ക്കാം. ആവശ്യമുള്ളപ്പോൾ ഉപയോഗിക്കാം.
വിവരങ്ങൾക്ക് കടപ്പാട്:
അർജുൻ വാസുദേവ്
ഫാഷൻ ഡിസൈനർ/ സ്റ്റൈലിസ്റ്റ്
എജ്യുക്കേറ്റർ,
നിഫ്റ്റ്, കണ്ണൂർ