രാജകീയ പ്രൗഢിയോടെ മണവാട്ടിയായി ഒരുങ്ങി തെന്നിന്ത്യൻ താരസുന്ദരി കാജൽ അഗർവാൾ. ചുവപ്പും പിങ്കും നിറങ്ങളിൽ അതിമനോഹരമായി ഡിസൈൻ ചെയ്ത ലെഹങ്കയാണ് അലങ്കാരങ്ങളിലെ പ്രധാന ഹൈലൈറ്റ്. രാജകീയ വസ്ത്രം മാത്രമല്ല, ആഭരണങ്ങളും രാജകീയ ഡിസൈനിലാണ് ഒരുക്കിയത്.
സെലിബ്രിറ്റി ഡിസൈനർ അനാമിക ഖന്നയാണ് ലെഹങ്ക ഒരുക്കിയത്. ഫ്ലോറൽ പാറ്റേണിലുള്ള സർദോസി എംബ്രോയ്ഡറിയാണ് ലെഹങ്കയെ രാജകീയമാക്കിയത്. പിങ്ക് നിറത്തിലുള്ള ഷീർ ദുപ്പട്ടയും എംബ്രോയ്ഡറി വർക്കുകളാൽ സമ്പന്നമായിരുന്നു. 20 പേർ ഒരു മാസത്തോളം എടുത്താണ് ലെഹങ്ക ഒരുക്കിയത്.
പഞ്ചാബി വിവാഹങ്ങളിലെ അവിഭാജ്യ ഘടകമായ കലീറാസ് എന്ന ആഭരണവും കാജല്‍ ധരിച്ചിരുന്നു. പ്രശസ്ത കലീറാസ് ഡിസൈനർ മൃനാളിനി ചന്ദ്രയാണ് കാജലിനായി ഇത് പ്രത്യേകം തയാറാക്കിയത്.
അനിത ഡോൻഗ്ര ഡിസൈൻ ചെയ്ത ഷെർവാണിയായിരുന്നു വരന്റെ വേഷം. മൻഡാരിന്‍ കോളർ ആയിരുന്നു ഷെർവാണിയുടെ പ്രത്യേകത. 1,15,000 രൂപയാണ് വസ്ത്രത്തിന്റെ വില.
ഒക്ടോബർ 30 വെള്ളിയാഴ്ച മുംബൈയിലെ താജ് ഹോട്ടലിലായിരുന്നു കാജലിന്റെ വിവാഹം. വരൻ ഗൗതം കിച്ച്ലു ബിസിനസ്സുകാരനാണ്.
1.
2.
3.
