ഡാന്സ് റിയാലിറ്റി ഷോയിലൂടെ സുപരിചിതയായ താരമാണ് നടി സാനിയ അയ്യപ്പൻ. ക്വീൻ എന്ന സിനിമയിലൂടെ അഭിനയരംഗത്തെത്തിയ താരം ഏറ്റവും ഒടുവിലായി പ്രേതം 2 വിലും നായികയായി. പ്രേക്ഷകരുടെ പ്രിയതാരമായി മാറിയ സാനിയ കഴിഞ്ഞ ദിവസം നടന്ന ഒരു സ്വകാര്യ അവാര്ഡ് നൈറ്റിൽ മിന്നും താരമായി.
സ്മോക്കി മേക്കപ്പിൽ അതീവ ഗ്ലാമർ ലുക്കിലാണ് സാനിയ അവാർഡ് ചടങ്ങിനെത്തിയത്. കോഫി ബ്രൗൺ, കറുപ്പ് നിറം കലർന്ന ഗൗണിൽ അതിസുന്ദരിയായിരുന്നു താരം. പുരസ്കാര ചടങ്ങിലെ ചിത്രങ്ങൾ ഇതിനോടകം സോഷ്യല് മീഡിയയിൽ തരംഗമായി.
മികച്ച നവാഗത നടിക്കുള്ള പുരസ്കാരമാണ് സാനിയയെ തേടിയെത്തിയത്. പുരസ്കാരത്തിനു പുറമെ താരത്തിന്റെ ഡാൻസും ചടങ്ങിൽ ശ്രദ്ധേയമായി. ബോളിവുഡ് താരം രൺവീർ സിങിനൊപ്പമാണ് നടി ചുവടുവച്ചത്.