ഹൃദയത്തെ കാക്കും, ഹാര്‍ട്ട്‌ അറ്റാക്ക് തടയും മെഡിറ്ററേനിയൻ ഡയറ്റ്; സിമ്പിളായി ശരീരഭാരവും കുറയ്ക്കാം...

ഹൃദയത്തെ കുറിച്ച് പറയുമ്പോൾ ആരും ഹൃദയത്തോടു ചേർക്കുന്ന ഡയറ്റാണ് മെഡിറ്ററേനിയൻ ഡയറ്റ്. ഹൃദയാരോഗ്യകരമെന്നു പുകൾപെറ്റ ഈ ഡയറ്റ് ശരീരഭാരവും കൊളസ്ട്രോളും കുറയ്ക്കാനും ഹാര്‍ട്ട്‌ അറ്റാക്ക്, അർബുദം തടയാനും അനുയോജ്യമാണ്.

മെഡിറ്ററേനിയൻ കടലിന്റെ അതിർത്തിയിലെ രാജ്യങ്ങളായ ഫ്രാൻസ് , ഗ്രീസ്, ഇറ്റലി, സ്പെയിൻ എന്നീ രാജ്യങ്ങളിലെ ആളുകളുടെ പരമ്പരാഗത ആരോഗ്യ ഭക്ഷണ–ജീവിത ശൈലികളിൽ നിന്നും രൂപപ്പെടുത്തിയ ഡയറ്റാണ് മെഡിറ്ററേനിയൻ ഡയറ്റ്. മെഡിറ്ററേനിയൻ പ്രദേശങ്ങളിലെ വ്യത്യസ്ത ആഹാര–ജീവിത രീതികളിൽ നിന്നും പൊതുവായി ചില ഘടകങ്ങളെടുത്താണ് ഈ ഡയറ്റ് രൂപപ്പെടുത്തിയിരിക്കുന്നത്. പച്ചക്കറികളും പഴങ്ങളും നട്സും മത്സ്യവും ഒലിവെണ്ണയും വൈനും ചേർന്ന ആരോഗ്യക്കൂട്ടാണ് ഈ ഡയറ്റിന്റെ അടിസ്ഥാനം. ഈ ഡയറ്റ് പക്ഷേ, കേരളീയ സാഹചര്യത്തിൽ പ്രായോഗികമാണോ എന്നു തോന്നാം. മലയാളികളുടെ ഭക്ഷണരീതികളിലേക്ക് പരിവർത്തനം ചെയ്തെടുത്ത മെഡിറ്ററേനിയൻ സാംപിൾ ഡയറ്റാണ് ചുവടെ. ശരീരഭാരം നിയന്ത്രിക്കാൻ ഏറെ സഹായകമാണ് ഈ ഡയറ്റ്.

സാംപിൾ മെനു–1200 കാലറി

പ്രാതൽ:

∙ 2 ചപ്പാത്തി/2 ദോശ/ 3 ഇഡ്‌ലി/പുട്ട്–1 ചെറിയ കപ്പ്/ഒാട്സ് കുറുക്കിയത്– ഒരു ബൗൾ (3 സ്പൂൺ ഒാട്സ് കുറുക്കിയത്)/ വെജിറ്റബിൾ സാൻവിച്ച്– 2 കഷണം, ഇടിയപ്പം–മൂന്ന് ചെറുത്

∙ കിഴങ്ങു ചേർക്കാത്ത സാമ്പാർ/കടലക്കറി/വെജിറ്റബിൾ കറി

∙ പുഴുങ്ങിയ മുട്ട–1 എണ്ണം, പാടനീക്കിയ പാൽ–1 കപ്പ് (ആഴ്ചയിൽ രണ്ടു മൂന്നു തവണ മാത്രം)

∙ പഴവർഗ്ഗങ്ങളിൽ ഏതെങ്കിലും ഒന്ന്

ഉച്ചഭക്ഷണം:

∙ തവിടുനീക്കാത്ത കുത്തരി (ബ്രൗൺ റൈസ്) –1 കപ്പ്/2 ചപ്പാത്തി/ നുറുക്കു ഗോതമ്പ് ചോറ്–1 കപ്പ്

∙ പയർ–മുക്കാൽ കപ്പ്/പരിപ്പ് കറി–അര കപ്പ്/ കടലക്കറി–മുക്കാൽ കപ്പ്/ മീൻ–2 ചേറിയ കഷണം/തൈര് –1 കപ്പ്

∙ പച്ചക്കറികൾ/ഇലക്കറികൾ-2 കപ്പ്

∙ പഴവർഗങ്ങളിൽ ഏതെങ്കിലും ഒന്ന്

സ്നാക്ക്:

∙ പയർ–കടല മുളപ്പിച്ചത് –1 കപ്പ്/ നട്സ്–10–15 എണ്ണം

∙ ചായ/കാപ്പി–1 കപ്പ്

രാത്രിഭക്ഷണം: