വിവിധയിനം ചീരകൾ നമ്മുടെ നാട്ടിൽ ഉണ്ട്. മുള്ളൻ ചീര, ചുവന്ന ചീര, പാലക്, വെള്ള ചീര തുടങ്ങിയവ. വൈറ്റമിൻ ബി, സി, ഇ, പൊട്ടാസ്യം, കാൽസ്യം തുടങ്ങിയ ഒട്ടേറെ ഘടകങ്ങൾ ചീരയില്‍ അടങ്ങിയിട്ടുണ്ട്.
∙ ചർമത്തിന്റെ തിളക്കം വർധിപ്പിക്കാനും ചീര സഹായിക്കും. കോശങ്ങളുടെ പുനരുജ്ജീവനത്തിനു സഹായിക്കുന്ന വൈറ്റമിൻ എ ഇവയിലടങ്ങിയിട്ടുണ്ട്. ഇതിലൂടെ ചർമത്തിനു തിളക്കവും നിറവും വർധിക്കുന്നു.
∙ ആന്റി ഓക്സിഡന്റുകളാൽ സമ്പുഷ്ടമാണ് ചീര. ചില പ്രത്യേക അസുഖം ഉള്ളവർ ചീര കഴിക്കുന്നതു ദോഷം ചെയ്യും. വൃക്കയിൽ കല്ല് ഉള്ളവർക്ക് ചീരയിലയിലെ ഓക്സലേറ്റിന്റെ സാന്നിധ്യം കല്ലുകൾ ഉണ്ടാകാനുള്ള സാധ്യത വർധിപ്പിക്കും.
∙ വൈറ്റമിൻ കെ ധാരാളം അടങ്ങിയിരിക്കുന്നതിനാൽ രക്തം കട്ട പിടിക്കാനുള്ള മരുന്നുകൾ കഴിക്കുന്നവരും ശ്രദ്ധിക്കണം. ഒരിക്കൽ കറിയാക്കിയ ചീര വീണ്ടും ചൂടാക്കുന്നത് ആരോഗ്യപ്രശ്നങ്ങൾ ഉണ്ടാക്കും.
