ആവണക്കെണ്ണ
∙ മോയിസ്ചറൈസ് ചെയ്യുന്നതിനൊപ്പം ചർമത്തി ൽ നിന്ന് ഈർപ്പം നഷ്ടപ്പെടാതെ സംരക്ഷിക്കാൻ ആവണക്കെണ്ണയ്ക്കാകും. മറ്റ് എണ്ണകളുമായി യോജിപ്പിച്ചാണ് ആവണക്കെണ്ണ ചർമത്തിൽ പുരട്ടേണ്ടത്. വെളിച്ചെണ്ണയോ ബദാം എണ്ണയോ ആയാൽ കൂടുതൽ നല്ലത്.
∙ നഖങ്ങളിൽ ആവണക്കെണ്ണ പുരട്ടി മസാജ് ചെയ്യുന്നത് നഖങ്ങൾ നന്നായി വളരാൻ സഹായിക്കും.
∙ വെളിച്ചെണ്ണയിൽ ആവണക്കെണ്ണ യോജിപ്പിച്ച് തലയോട്ടിയിൽ മസാജ് ചെയ്യുന്നത്, താരനെതിരെ ഫലപ്രദമാണ്. മുടി വളരുകയും ചെയ്യും.
∙ കൺപീലിയും പുരികവും നന്നായി വളരാൻ ആവണക്കെണ്ണ സഹായിക്കും. മൂന്നു തുള്ളി ആവണക്കെണ്ണയിൽ രണ്ടു തുള്ളി ബദാം എണ്ണ യോജിപ്പിച്ച് കൺപീലിയിലും പുരികത്തിലും പുരട്ടിയശേഷം ഉറങ്ങാം.
∙ ആന്റി ബാക്ടീരിയൽ ഗുണങ്ങളുള്ളതിനാൽ ചർമത്തിലെ അ ണുബാധ തടയാൻ കടുകെണ്ണ സഹായിക്കും.
∙ വൈറ്റമിൻ ഇ നിറഞ്ഞ കടുകെണ്ണ മുഖത്തു പുരട്ടിയാൽ സൺടാനും കറുത്ത പാടുകളും മാറും.
കടുകെണ്ണ
∙ മുഖകാന്തി കൂട്ടാൻ ഒരു വലിയ സ്പൂൺ വീതം കടുകെണ്ണ, തൈര്, കടലമാവ് എന്നിവ യോജിപ്പിച്ചു മുഖത്തു പുരട്ടി 15 മിനിറ്റിനു ശേഷം കഴുകിക്കളയാം.
∙ കടുകെണ്ണയിൽ നാരങ്ങാനീരും ഉപ്പും ചേർത്ത് പല്ലു തേച്ചാൽ പല്ലുകൾ തിളങ്ങും.
∙ അമിതമായി കെമിക്കലുകൾ ഉപയോഗിച്ച് കേടുപാടുകൾ വന്ന മുടിക്ക് പുതുജീവൻ പകരാൻ കടുകെണ്ണ ശിരോചർമത്തിലും മുടിയിലും പുരട്ടാം.
∙ അകാലനര തടയാൻ കടുകെണ്ണ പതിവായി തലയോട്ടിയിൽ മസാജ് ചെയ്യാം.
∙ ചുണ്ടുകൾ വിണ്ടുകീറുന്നത് തടയാൻ കടുകെണ്ണ പുരട്ടിയാൽ മതി.
വെളിച്ചെണ്ണ
ആന്റി ഓക്സിഡന്റുകളും ഫൈറ്റോനൂട്രിയന്റസും ധാരാളമുള്ള വെളിച്ചെണ്ണ ചർമത്തിലേക്ക് എളുപ്പത്തിൽ ആഗിരണം ചെയ്യപ്പെടും. വെളിച്ചെണ്ണയിൽ അടങ്ങിയിട്ടുള്ള ലോറിക് ആസിഡും ലിനോലിയിക് ആസിഡും ചർമപ്രശ്നങ്ങൾ പരിഹരിക്കാൻ സഹായിക്കും.
∙ കണ്ണിനു ചുറ്റുമുള്ള കറുപ്പുനിറം കുറയ്ക്കാൻ വെളിച്ചെണ്ണയും വൈറ്റമിൻ ഇയും ചേർന്ന മിശ്രിതം പുരട്ടിയാൽ മതി. ചുളിവുകളും പാടുകവും മായ്ക്കാനും ഈ മിശ്രിതം നല്ലതാണ്.
∙ ആക്റ്റിവേറ്റഡ് ചാർക്കോളും വെളിച്ചെണ്ണയും ലയിപ്പിച്ച് മസ്കാര ബോട്ടിലിൽ നിറച്ചാൽ ശുദ്ധമായ ഹാൻഡ്മെയ്ഡ് മസ്കാര ലഭിക്കും. ഓൺലൈൻ സൈറ്റുക ൾ വഴി മസ്കാര ബോട്ടിലുകൾ ലഭ്യമാണ്.
∙ സിട്രസ് ഓയിലും പഞ്ചസാരയും വെളിച്ചെണ്ണയും ചേർന്ന മിശ്രിതം പുരട്ടുന്നത് മൃതകോശങ്ങളെ അകറ്റുന്നതിനൊപ്പം ചർമത്തിനു മൃദുത്വവും നൽകും. തേങ്ങ ചുരണ്ടിയതും നാരങ്ങാനീരും പഞ്ചസാരയും വെളിച്ചെണ്ണയും യോജിപ്പിച്ചും ചർമത്തിന് തിളക്കമേകും സ്ക്രബ് തയാറാക്കാം.
∙ വെളിച്ചെണ്ണ ഫ്രിജിൽ വച്ച് തണുപ്പിച്ച് നഖത്തിന്റെ വശങ്ങളില്‍ പുരട്ടുന്ന ക്യൂട്ടിക്കിൾ ക്രീമായി ഉപയോഗിക്കാം. ചർമം മൃദുവാകും.
∙ വെളിച്ചെണ്ണയും ഒലിവ് എണ്ണയും ബീസ്‌വാക്സും യോജിപ്പിച്ച് ലിപ് ബാമായി ഉപയോഗിക്കാം. ചുണ്ടുകൾക്ക് മൃദുത്വം ലഭിക്കുന്നതിനൊപ്പം ഭംഗിയുമേറും.
∙ തേനും വെളിച്ചെണ്ണയും സമം ചേർത്ത് ഫെയ്സ്പാക്കായി ഉപയോഗിക്കാം. ചുളിവുകളും കലകളുമകറ്റാൻ ഇതു സഹായിക്കും.
∙ വെളിച്ചെണ്ണ ബീറ്റ് ചെയ്ത് പതപ്പിച്ച് ക്രീം ആക്കിയാ ൽ ഉഗ്രൻ ബോഡി ബട്ടർ റെഡി. വൈറ്റമിൻ ഇ യും മറ്റ് എ സൻഷ്യൽ ഓയിലുകളും ചേർത്താൽ കൂടുതൽ നല്ലത്.
∙ ചർമത്തിലെ ചെറിയ ചൊറിച്ചിലും തടിപ്പുകളുമകറ്റാൻ കഴിവുള്ള വെളിച്ചെണ്ണ സെൻസിറ്റീവ് ചർമമുള്ളവർക്ക് ഏറ്റവും യോജിച്ചതാണ്. തേങ്ങാപ്പാൽ ഉരുക്കിയുണ്ടാക്കുന്ന വെന്ത വെളിച്ചെണ്ണയാണ് വരണ്ട ചർമത്തിന് ഉത്തമം. എണ്ണമയമുള്ള ചർമമുള്ളവർ വെളിച്ചെണ്ണ അധികം ഉപയോഗിച്ചാൽ ചർമത്തിലെ എണ്ണമയം കൂടി മുഖക്കുരു വരാം.
വിവരങ്ങൾക്ക് കടപ്പാട്:
വിവരങ്ങൾക്കു കടപ്പാട്:
ഡോ.നീതു പ്രസാദ്,
ആയുർവേദ വിദഗ്ധ
