Thursday 12 September 2019 10:05 AM IST : By സ്വന്തം ലേഖകൻ

അവരുടെ പുണ്യമാണ് ‘മനുഷ്യാ’ നിങ്ങൾ; ഭാര്യയ്ക്ക് സുഖമായി ഉറങ്ങാൻ വിമാനത്തില്‍ 6 മണിക്കൂർ നിന്നനിൽപ്പ്; നെഞ്ചിൽ തൊടും കരുതൽ

flight

ഭാര്യയ്ക്കും ഭർത്താവിനുമിടയിലെ കലപില വാർത്തകളെ കുറിച്ചു മാത്രമാണ് സാധാരണ സോഷ്യൽ മീഡിയ സംസാരിക്കാറുള്ളത്. ഇവിടെയിതാ സ്നേഹം നിറഞ്ഞൊഴുകുന്നൊരു ഭർത്താവിനെ ഹൃദയത്തിലേറ്റു വാങ്ങുകയാണ് സോഷ്യൽ മീഡിയ. ഭാര്യയ്ക്കായി കക്ഷി ചെയ്ത കാര്യമോർക്കുമ്പോഴാണ് ആരും അമ്പരന്നു പോകുന്നത്.

ഭാര്യയ്ക്ക് കിടന്നുറങ്ങാനായി വിമാനത്തിലെ തന്റെ സീറ്റ് ഒഴിഞ്ഞു നൽകിയിരിക്കുകയാണ് ഈ മനുഷ്യൻ. ഒന്നും രണ്ടുമല്ല, നീണ്ട ആറുമണിക്കൂറാണ് തന്റെ സഹയാത്രികൻ നിന്നതെന്ന് കൺട്രി ലീ ജോൺസൺ എന്ന ട്വിറ്റർ ഹാൻഡിൽ കുറിച്ചു. ചിത്രം പകർത്തിയ ജോൺസൻ ഇതാണ് സ്നേഹമെന്നും കുറിച്ചിരുന്നു.

ഭാര്യയോടുള്ള സ്നേഹത്തെ പ്രശംസിച്ച ട്വിറ്ററേനിയൻസ് ഉദാത്ത സ്നേഹത്തിന്റെ മാതൃകയാണ് ചിത്രത്തിലെ മനുഷ്യനെന്നും പുകഴ്ത്തി. എന്നാൽ ചിലർ വിയോജിപ്പ് പ്രകടിപ്പിച്ചിട്ടുണ്ട്. ഭർത്താവിനെ ഇങ്ങനെ നിർത്താതെ മടിയിൽ തലവച്ച് കിടന്ന് കൂടെയെന്നും ഭയങ്കര സ്വാർഥയാണ് ഭാര്യയെന്നും മറ്റ് ചിലരും കുറിച്ചു. എന്തായാലും ചിത്രം സമൂഹ മാധ്യമങ്ങൾ ഏറ്റെടുത്തു കഴിഞ്ഞു. ചിത്രത്തിലെ ദമ്പതിമാർ ആരെന്ന് കണ്ടെത്താനുള്ള അന്വേഷണവും സമൂഹ മാധ്യമങ്ങൾ ആരംഭിച്ചിട്ടുണ്ട്.