കാന്സറിനെതിരെയുള്ള പോരാട്ടത്തിലൂടെ സോഷ്യൽ മീഡിയയിൽ ശ്രദ്ധ നേടിയ യുവാവാണ് നന്ദു മഹാദേവ. ഒട്ടേറെ പേരുടെ അതിജീവനത്തിന്റെ കഥകൾ നന്ദു പങ്കുവയ്ക്കാറുണ്ട്. ദീജ എന്ന യുവതിയെ കുറിച്ചെഴുതിയിരിക്കുന്ന കുറിപ്പാണ് ഇപ്പോൾ സോഷ്യൽ മീഡിയയുടെ ഹൃദയം കവരുന്നത്.
നന്ദു മഹാദേവ പങ്കുവച്ച കുറിപ്പ് വായിക്കാം;
മൂന്നാം വയസ്സിൽ കുഴഞ്ഞുപോയതാണ് അവളുടെ കാലുകൾ !!
വിധി തളർത്താൻ നോക്കിയിട്ടും ഈ ചക്രകസേരയിൽ ഇരുന്നുകൊണ്ട് അച്ചാർ ഉണ്ടാക്കി വിറ്റ് സ്വന്തം കാലിൽ നിൽക്കാൻ ശ്രമിക്കുന്ന ആ മനസ്സ് ആരും കാണാതെ പോകരുത്..!!
ചിത്രശലഭത്തെ പോലെ പറന്നു നടക്കുന്ന പ്രായത്തിൽ ബാധിച്ച പൊളിയോയോട് പോയി പണിനോക്കാൻ പറഞ്ഞുകൊണ്ട് പട പൊരുതിജീവിക്കുന്ന ദീജ ചേച്ചിയോട് എന്നും ആരാധനയാണ്...!!
ചെറിയ കാര്യങ്ങൾക്ക് മുന്നിൽ പകച്ചു പോകുന്ന നമ്മുടെ സമൂഹം ഇവരെ കണ്ട് പഠിക്കണം...
ആ ആത്മവിശ്വാസം നെഞ്ചിലേറ്റണം...!!
നമ്മളിൽ എത്രപേർക്ക് കച്ചവട സ്ഥാപനങ്ങളും ഹോട്ടലുകളും ഉണ്ട്..
എത്ര വീടുകളിൽ കല്യാണങ്ങളും മറ്റും നടക്കുന്നു...
വീടുകളിലേക്കും വാങ്ങാം..
കാരണം മായം ചേരാത്ത സ്വാദിഷ്ടമായ ഈ അച്ചാർ കുട്ടികൾക്ക് ധൈര്യമായി വാങ്ങി കൊടുക്കാം..
വാങ്ങുവാൻ തോന്നുന്ന സുമനസ്സുകൾക്കായി അവരുടെ നമ്പർ താഴെ കൊടുക്കുന്നു....
+91 79023 75735
സ്വന്തം കാലിൽ നിന്ന് ജീവിക്കണമെന്ന ആ സ്വപ്നം നമുക്ക് സാക്ഷാൽക്കരിക്കാം..
ഈ ഭിന്നശേഷി ദിനത്തിൽ ധീരയായ ഈ സ്ത്രീയുടെ വിജയത്തിൽ നമുക്കും അഭിമാനിക്കാം....
നമ്മുടെ പിന്തുണയും നൽകാം..
പ്രിയപ്പെട്ട ചേച്ചിയ്ക്ക് മുന്നോട്ടുള്ള പ്രയാണം വിജയിക്കാൻ പ്രാർത്ഥനകൾ....
കൂടെയുണ്ട് ഞങ്ങൾ..