ആപ്പിൾ അപ്്സൈഡ് ഡൗൺ
1.വെണ്ണ – ആറു വലിയ സ്പൂൺ
ബ്രൗൺ ഷുഗർ – അരക്കപ്പ് (പകരം കാൽ കപ്പ് പഞ്ചസാരയിൽ കാൽ കപ്പ് ശര്ക്കര ചുരണ്ടിയതു ചേർത്തുപയോഗിക്കാം)
പഞ്ചസാര – കാൽ കപ്പ്
2.കറുവാപ്പട്ട പൊടിച്ചത് – രണ്ടു ചെറിയ സ്പൂൺ
3.നല്ല ചുവന്ന ഉറപ്പുള്ള ആപ്പിൾ – ആറ്
4.പഞ്ചസാര – ഒരു കപ്പ്
നാരങ്ങാത്തൊലി ചുരണ്ടിയത് – ഒരു നാരങ്ങയുടേത്
5.മുട്ട – രണ്ടു വലുത് (ചെറുതെങ്കിൽ മൂന്ന്)
വാനില – ഒരു വലിയ സ്പൂൺ
6.മൈദ – ഒരു കപ്പ്
ഉപ്പ് – കാൽ ചെറിയ സ്പൂൺ
7.വെണ്ണ – അരക്കപ്പ് (ഉരുക്കി ചൂടാറിയത്)
8.ബദാം കനം കുറച്ചു നീളത്തിൽ അരിഞ്ഞത് – കാൽ കപ്പ്
പാകം ചെയ്യുന്ന വിധം
∙അവ്ൻ 3500 ൽ ചൂടാക്കിയിടുക.
∙അവ്നിൽ വയ്ക്കാവുന്ന 10 ഇഞ്ചു വട്ടമുള്ള ഒരു ഫ്രൈയിങ് പാൻ തയാറാക്കുക.
∙ഇതിൽ ഒന്നാമത്തെ ചേരുവ യോജിപ്പിച്ചു ചെറുതീയിൽ വച്ച് ഉരുക്കുക. കരിയരുത്.
∙കറുവാപ്പട്ട പൊടിച്ചതും ചേർത്തിളക്കുക.
∙ഓരോ ആപ്പിളും 15–20 കഷണങ്ങളാക്കി നീളത്തിൽ കനം കുറച്ചരിയുക.
∙ഉരുക്കിയ പഞ്ചസാരയുടെ മുകളിൽ ആപ്പിൾ പുറത്തു നിന്ന് അകത്തേക്കു വട്ടത്തിൽ അടുക്കുക. നന്നായി അടുപ്പിച്ചു വയ്ക്കാൻ ശ്രദ്ധിക്കണം. ചൂടാകുമ്പോൾ ആപ്പിൾ ചുരുങ്ങാൻ ഇടയുണ്ട്.
∙ഈ ഫ്രൈയിങ് പാൻ അങ്ങനെ തന്നെ അവ്നിൽ 20 മിനിറ്റ് വയ്ക്കണം. ഇതു പാകമാകുന്ന സമയം കൊണ്ട് കേക്കിനുള്ള മാവ് തയാറാക്കാം.
∙പഞ്ചസാരയും നാരങ്ങാത്തൊലിയും യോജിപ്പിച്ച് അതിലേക്കു മുട്ടയും എസ്സൻസും ചേർത്തടിക്കണം.
∙ഇതിലേക്കു മൈദയും ഉപ്പും മെല്ലേ ചേർത്തു യോജിപ്പിച്ചു, മാവ് ബേക്ക് ചെയ്ത ആപ്പിളിനു മുകളിൽ ഒഴിക്കുക. ഇതിനു മുകളിൽ ബദാം അല്ലെങ്കിൽ വോൾനട്ട് അരിഞ്ഞതു വിതറണം.
∙വീണ്ടും അവ്നിൽ വച്ച് ഏകദേശം 25–30 മിനിറ്റ് ബേക്ക് ചെയ്യുക. ടൂത്പിക്ക് കുത്തിയിറക്കിയാൽ അതിൽ മാവ് പറ്റിപ്പിടിക്കരുത്.
∙പുറത്തെടുത്ത് കത്തികൊണ്ട് അരികിളക്കി കൊടുത്ത ശേഷം ഒരു പാത്രത്തിലേക്കു കമഴ്ത്തുക.