ബ്രൗണി പുഡിങ്
1.വിപ്പിങ് ക്രീം – ഒരു കപ്പ്
2.കണ്ടൻസ്ഡ് മിൽക് – 10 വലിയ സ്പൂൺ
വനില എസ്സൻസ് – ഒരു ചെറിയ സ്പൂൺ
3.ബ്രൗണി പൊടിച്ചത് – നാലു കപ്പ്
4.കശുവണ്ടിപ്പരിപ്പ് വിളയിച്ചത് – കാൽ കപ്പ്
പാകം ചെയ്യുന്ന വിധം
∙വിപ്പിങ് ക്രീം നന്നായി അടിച്ചു കട്ടിയാക്കുക. ഇതിലേക്കു കണ്ടൻസ്ഡ് മിൽകും വനില എസ്സൻസും ചേർത്തു മെല്ലേ ഇളക്കി യോജിപ്പിക്കണം.
∙ഒരു പുഡിങ് ബൗളിൽ ബ്രൗണി പൊടിച്ചതിന്റെ പകുതി നിരത്തുക.
∙ഇതിനു മുകളിലായി ക്രീം മിശ്രിതത്തിന്റെ പകുതി നിരത്തിയ ശേഷം ബാക്കി ബ്രൗണി പൊടിച്ചതു നിരത്തണം.
∙ഇതിനു മുകളിൽ ക്രീം മിശ്രിതം നിരത്തി കശുവണ്ടിപ്പിരപ്പു വിളയിച്ചതു കൊണ്ട് അലങ്കരിക്കുക.
∙ഫ്രിഡ്ജിൽ വച്ചു തണുപ്പിച്ചു വിളമ്പാം.
