ചിക്കൻ ക്രസ്റ്റഡ്
1.ചിക്കൻ ബ്രെസ്റ്റ് – മൂന്ന്
2.നാരങ്ങാനീര്, ഉപ്പ്, കുരുമുളകുപൊടി – പാകത്തിന്
3.കോൺഫ്ളേക്ക്സ് – ഒരു കപ്പ്
4.റൊട്ടിപ്പൊടി – ഒരു കപ്പ്
ഉപ്പ്, കുരുമുളകുപൊടി – പാകത്തിന്
5.മൈദ – പാകത്തിന്
6.മുട്ട – രണ്ട്, മെല്ലേ അടിച്ചത്
7.എണ്ണ – വറുക്കാൻ
പാകം ചെയ്യുന്ന വിധം
∙ചിക്കൻ ബ്രെസ്റ്റ് വൃത്തിയാക്കി, നീളത്തിൽ മുറിക്കണം. ഇതിൽ രണ്ടാമത്തെ ചേരുവ പുരട്ടി വയ്ക്കണം.
∙ഉപയോഗിക്കുന്നതിനു മുമ്പ് ചിക്കൻബ്രെസ്റ്റ് പീസുകൾ നന്നായി കഴുകി, തുടച്ചുണക്കി വയ്ക്കണം.
∙കോൺഫ്ളേക്ക്സ് തരുതരുപ്പായി പൊടിച്ച്, അതിൽ നാലാമത്തെ ചേരുവ യോജിപ്പിച്ചു വയ്ക്കുക.
∙തയാറാക്കി വച്ചിരിക്കുന്ന ചിക്കൻ ബ്രെസ്റ്റ് പീസുകൾ ഇടഞ്ഞു വച്ചിരിക്കുന്ന മൈദയിലിട്ടു മെല്ലേ കുടഞ്ഞു യോജിപ്പിച്ചശേഷം അധികമുള്ള മാവ്, തട്ടിക്കളയണം.
∙ഇനി ഈ കഷണങ്ങൾ മുട്ടയിൽ മുക്കി, കോൺഫ്ളേക്ക്സ് മിശ്രിതത്തിൽ വച്ചു നന്നായി അമർത്തിയെടുക്കണം.
∙ഒരു നോൺസ്റ്റിക്ക് പാനിൽ അൽപം എണ്ണ ചൂടാക്കി, തയാറാക്കി വച്ചിരിക്കുന്ന ചിക്കൻബ്രെസ്റ്റ് പീസുകളിട്ടു ഗോൾഡൻബ്രൗൺ നിറത്തിൽ വറുത്തു പേപ്പറിൽ നിരത്തി എണ്ണ വാലാൻ വയ്ക്കണം.
∙ടുമാറ്റോ/ടാർട്ടാർ സോസിനൊപ്പം വിളമ്പാം.