വെളുത്തുള്ളി സ്നാക്
1.വെളുത്തുള്ളി – 3 കുടം
2.എണ്ണ – മൂന്നു വലിയ സ്പൂൺ
3.കടലമാവ് – അരക്കപ്പ്
അരിപ്പൊടി – അക്കപ്പ്
ഉപ്പ് – പാകത്തിന്
മുളകുപൊടി – ഒരു ചെറിയ സ്പൂൺ
കായംപൊടി – കാൽ ചെറിയ സ്പൂൺ
4.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙വെളുത്തുള്ളി വൃത്തിയാക്കി തൊലിയോടുകൂടെ എണ്ണയിൽ ഇട്ടു വഴറ്റി മാറ്റി വയ്ക്കുക.
∙തണുക്കുമ്പോൾ തൊലികളഞ്ഞു നന്നായി ചതച്ചു വയ്ക്കണം.
∙മൂന്നാമത്തെ ചേരുവയും ചതച്ചു വച്ചിരിക്കുന്ന വെളുത്തുള്ളിയും പാകത്തിനു വെള്ളവും ചേർത്തു ഇടിയപ്പത്തിന്റെ അയവിൽ കുഴച്ചെടുക്കുക.
∙ഇത് ഇടയപ്പത്തിന്റെ അച്ചിൽ ഇട്ട് ചൂടായ എണ്ണയിലേക്കു പിഴിഞ്ഞു വറു‌ത്തു കോരാം.
