പച്ചമാങ്ങ സാലഡ് ചിക്കനൊപ്പം,
1.പച്ചമാങ്ങ – മൂന്ന്, കനം കുറച്ചു നീളത്തിൽ അരിഞ്ഞത്
2.ഉപ്പ് – ഒരു ചെറിയ സ്പൂൺ
3.എണ്ണ (എള്ളെണ്ണ/നിലക്കടലയെണ്ണ) – ഒരു വലിയ സ്പൂൺ
4.വെളുത്തുള്ളി – നാല് അല്ലി, കനം കുറച്ചരിഞ്ഞത്
5.സ്പ്രിങ് അണിയൻ – ആറ്, കനം കുറച്ചരിഞ്ഞത്
6.ചിക്കൻ ബ്രെസ്റ്റ് – 250 ഗ്രാം, കനംകുറച്ചരിഞ്ഞത്
7.ഉണക്കച്ചെമ്മീൻ പൊടിച്ചത് – ഒരു വലിയ സ്പൂൺ
ഫിഷ് സോസ് – ഒരു വലിയ സ്പൂൺ
നിലക്കടല വറുത്ത്, ഒന്നു ചതച്ചത് – രണ്ടു വലിയ സ്പൂൺ
ശർക്കര പൊടിച്ചത് – ഒരു ചെറിയ സ്പൂൺ
8.കുരുമുളകുപൊടി – പാകത്തിന്
9.പച്ചമുളക് പൊടിയായി അരിഞ്ഞത് – ഒരു ചെറിയ സ്പൂൺ (ആവശ്യമെങ്കിൽ)
പാകം ചെയ്യുന്ന വിധം
മാങ്ങ അരിഞ്ഞത് ഒരു വലിയ ബൗളിലാക്കി, മുകളിൽ ഉപ്പു വിതറി വയ്ക്കണം.
എണ്ണ ചൂടാക്കി വെളുത്തുള്ളിയും സ്പ്രിങ് അണിയനും വെവ്വേറെ വഴറ്റി മാറ്റിവെക്കുക. അതേ പാനിൽ ചിക്കൻ അരിഞ്ഞതു ചേർത്ത് ഒന്നു വഴറ്റിയശേഷം ഏഴാമത്തെ ചേരുവയും ചേർത്തു മാറ്റിവയ്ക്കണം.
വിളമ്പുന്നതിനു തൊട്ടുമുമ്പ് എല്ലാ ചേരുവകളും യോജിപ്പിച്ചു പാകത്തിനു കുരുമുളകുപൊടിയും ചേർത്തിളക്കുക.
ആവശ്യമെങ്കിൽ പച്ചമുളക് അരിഞ്ഞതുകൊണ്ട് അലങ്കരിക്കാം.
