മഷ്റൂം ടുമാറ്റോ ഓംലെറ്റ്
1.വെണ്ണ – 25 ഗ്രാം
2.തക്കാളി തൊലി കളഞ്ഞു പൊടിയായി അരിഞ്ഞത് – മൂന്നു വലിയ സ്പൺ
കൂൺ സ്ലൈസ് ചെയ്തത് – മൂന്നു വലിയ സ്പൂൺ
ഉപ്പ്, കുരുമുളകുപൊടി – പാകത്തിന്
3.മുട്ട – രണ്ട്
ഉപ്പ്, കുരുമുളകുപൊടി – പാകത്തിന്
വെള്ളം – മൂന്നു ചെറിയ സ്പൂൺ
4.പാഴ്സ്ലി പൊടിയായി അരിഞ്ഞത് – അലങ്കരിക്കാൻ
പാകം ചെയ്യുന്ന വിധം
∙പാനിൽ വെണ്ണയുടെ പകുതി ചൂടാക്കി, തക്കാളിയും കൂണും പാകത്തിനുപ്പും കുരുമുളകുപൊടിയും ചേർത്തു വഴറ്റി വാങ്ങുക. ഇതാണ് ഫില്ലിങ്.
∙ബാക്കി വെണ്ണ ചൂടാക്കി മൂന്നാമത്തെ ചേരുവ മെല്ലേ അടിച്ചത് ഒഴിക്കുക. മുട്ട ഒരേ പോലെ പരന്നു വരണം.
∙മുട്ട സെറ്റായ ശേഷം നടുഭാഗത്തായി, ഫില്ലിങ് വച്ച് ഇരുവശത്തു നിന്നും ഓംലെറ്റ് ഫില്ലിങ്ങിനു മുകളിലേക്കു മടക്കുക.
∙ഇതു ചൂടുള്ള പ്ലേറ്റിലേക്ക് കമഴ്ത്തിയിടുക. മടക്കുകൾ അടിയിൽ വരുന്ന വിധം വേണം പ്ലേറ്റിലേക്കിടാൻ.