ജ്വവൽഡ് റൈസ്
1. നീളമുള്ള അരി നന്നായി കഴുകിവാരിയത് - 350 ഗ്രാം
2. ഒലിവ് ഓയിൽ - രണ്ടു വലിയ സ്പൂൺ
വെണ്ണ - അൽപം
3. കുങ്കുമപ്പൂവ് - ഒരു നുള്ള്
മല്ലി - ഒരു ചെറിയ സ്പൂൺ
ബദാം - രണ്ടു വലിയ സ്പൂൺ
4. ഓറഞ്ച് തൊലി ചുരണ്ടിയത് - ഒരു ഓറഞ്ചിന്റെ പകുതിയുടേത്
പിസ്ത, തൊണ്ടു കളഞ്ഞത് - രണ്ടു വലിയ സ്പൂൺ
5. മാതളനാരങ്ങ അല്ലി - ഒരു മാതള നാരങ്ങയുടേത്
6. മല്ലിയില, രാമതുളസിയില, പുതിനയില എന്നിവ അരിഞ്ഞത് - ഓരോ പിടി
7. നാരങ്ങ - ഒന്ന്, കഷണങ്ങളാക്കിയത്
പാകം െചയ്യുന്ന വിധം
∙അരി ചുവടുകട്ടിയുള്ള പാത്രത്തിലാക്കി, അരിയുടെ ഒരു സെന്റിമീറ്റർ മുകളിൽ നിൽക്കും വിധം വെള്ളം ഒഴിച്ച്, പാകത്തിന് ഉപ്പും ചേർത്തു തിളപ്പിക്കുക.
∙തിളച്ച ശേഷം തീ കുറച്ച്, ഏകദേശം 10 മിനിറ്റ് വീണ്ടും തിളപ്പിക്കുക. വെള്ളം മുഴുവൻ വലിഞ്ഞ ശേഷം തീ അണച്ച്, പാൻ അടച്ച് അനക്കാതെ വയ്ക്കുക.
∙അരി വേവണം. എന്നാൽ ഒന്ന് കടിക്കുകയും വേണം.
∙മറ്റൊരു പാനിൽ ഒലിവ് ഓയിലും വെണ്ണയും ചേർത്തു ചൂടാക്കിയ ശേഷം മൂന്നാമത്തെ ചേരുവ ചേർത്തിളക്കി ഒരു മിനിറ്റ് വേവിക്കുക.
∙ഇതിൽ നാലാമത്തെ ചേരുവയും ചേർത്തിളക്കിയ ശേഷം ഏറ്റവും ഒടുവിൽ മാതളനാരങ്ങ അല്ലികളും ചേർക്കുക.
∙അരി ചേർത്തു നന്നായി യോജിപ്പിക്കുക. ഉപ്പു പാകത്തിനാക്കിയ ശേഷം ഇലകൾ ചേർത്തിളക്കി വിളമ്പാനുള്ള പാത്രത്തിലേക്കു മാറ്റി നാരങ്ങ കൊണ്ട് അലങ്കരിച്ചു വിളമ്പുക.