കാജ
1.മൈദ – മൂന്നു കപ്പ്
വെള്ളം – രണ്ടു കപ്പ്
ഉപ്പ് – പാകത്തിന്
ഓറഞ്ച് കളർ – കുറച്ച്
നെയ്യ് – നാലു വലിയ സ്പൂൺ
2.പഞ്ചസാര – രണ്ടു കപ്പ്
വെള്ളം – ഒരു കപ്പ്
3.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙ഒന്നാമത്തെ ചേരുവ യോജിപ്പിച്ചു ചപ്പാത്തിക്കു കുഴയ്ക്കുന്നതുപോലെ കുഴച്ചു മൂന്ന് ഉരുളകളാക്കുക.
∙ഈ ഉരുളകൾ പായ പോലെ വലുതായി പരത്തുക.
∙മീതെ അൽപം നെയ്യ് തടവി അതിന്റെ മുകളിൽ കുറച്ചു മൈദ വിതറി നല്ലതു പോലെ ടൈറ്റായി ചുരുട്ടുക.
∙അതിനുശേഷം കൈകൊണ്ടു കുറച്ചു നീട്ടിയശേഷം ഒരിഞ്ച് കഷണങ്ങളാക്കുക.
∙ഈ കഷണങ്ങൾ വീണ്ടും നീളത്തിൽ പരത്തുക. എല്ലാ ഉരുളകളും ഇങ്ങനെ ചെയ്യുക.
∙എണ്ണ ചൂടാക്കി തയാറാക്കിയ കാജ വറുത്തെടുക്കുക.
∙പഞ്ചസാര ഉരുക്കി നൂൽ പാകമാകുമ്പോൾ ഇറക്കി താഴെ വയ്ക്കുക. ഇത് കാജയുടെ എല്ലാവശവും ഒഴിക്കുക.